‘ગદર-૨' જેવો ધમાકો કરી શક્શે સની દેઓલની લાહોર ૧૯૪૭’?

સની દેઓલ – રાજકુમાર સંતોષી – આમિર ખાનની આગામી ફિલ્મ ‘લાહોર ૧૯૪૭’ વિશેની રસપ્રદ જાણકારી

- પાર્થ દવે

છેલ્લે ૨૦૨૩ના ઓગસ્ટમાં ‘ગદર૨'થી તહેલકો મચાવનાર સની દેઓલની ‘લાહોર ૧૯૪૭’ નામક ફિલ્મ આવી રહી છે. ગયા વર્ષના ઓક્ટોબર મહિનામાં આ ફિલ્મની અનાઉન્સમેન્ટ કરવામાં આવી હતી. આ ફિલ્મની ‘આતુરતાપૂર્વક' રાહ જોવાઈ રહી છે, તેનું કારણ છે. એક તો તેના ડિરેક્ટર રાજકુમાર સંતોષી છે, જેઓ સન્ની પાજી સાથે ‘ઘાતક', ‘ઘાયલ’ અને ‘દામિની' જેવી દમદાર ફિલ્મો કરી ચૂક્યા છે. બીજી વાત એ કે, ‘લાહોર ૧૯૪૭' પીરિયડ એક્શન ડ્રામા ફિલ્મ છે. આ ફિલ્મનું નિર્માણ આમિર ખાન કરી રહ્યો છે.