అభివృద్ధి ఒక నిరంతర ప్రక్రియ

ఏదేమైనా సమాజం ఉన్నంతసేపు అభివృద్ధి ఒక నిరంత ప్రక్రియ. అది సమాజం ఉన్నంతవరకు కొనసాగుతూనే ఉంటుంది.

- 

ఏదేమైనా సమాజం ఉన్నంతసేపు అభివృద్ధి ఒక నిరంత ప్రక్రియ. అది సమాజం ఉన్నంతవరకు కొనసాగుతూనే ఉంటుంది. ఒకనాటి కాలిబాట బళ్ళబాటగా తర్వాత మట్టి రోడ్డుగా తర్వాత సింగిల్ లేన్ డాంబర్ రోడ్డు, వరుసగా డబుల్ లేన్, ఫోర్ లేన్, సిక్స్, ఎయిట్ లేని రోడ్లుగా ఎలా అభివృద్ధి చెందాయో చెందుతున్నాయో ఇలాగే అన్ని రంగాలలో తెలంగాణ అభివృద్ధి చెందుతున్న దశలో ఉంది. ఇది పూర్తిస్థాయిలో సాకారం కావాలంటే మరిన్ని కొత్త ఆలోచనలతో ముందుకు సాగాలి. అందుకు మన తెలంగాణ ముఖ్యమంత్రి దేశ ప్రజల ముందు కొన్ని ఆలోచనలను పెట్టారు. వాటి గురించి ప్రస్తావిస్తాను

విద్య ఆరోగ్యాలలో ముందుకెళ్లే ఆలోచనలతో తెలంగాణ ప్రభుత్వం అనేక గురుకుల పాఠశాలల ఏర్పాటు ఒక విప్లవం. ఆరోగ్య కార్యక్రమాలలో భాగంగా కంటి వెలుగు పథకం దేశానికే ఆదర్శం. కేసీఆర్ కిట్టు ప్రభుత్వ ఆసుపత్రులలో ప్రసవాల సంఖ్య పెరగడమే ఒక మంచి ఉదాహరణ జిల్లాకొక మెడికల్ కళాశాల ఏర్పాటు దిశగా ప్రభుత్వం ముందుకు సాగుతుంది.ఇప్పటికే ఆ లక్ష్యంలో ఎంతో అభివృద్ధి సాధించింది.

సంక్షేమం-అభివృద్ధి రెండు కళ్ళు

ఇక సంక్షేమము అభివృద్ధి విషయంలో సమతూకం పాటిస్తూ గత తొమ్మిదేళ్లుగా రాష్ట్ర ప్రభుత్వం చేస్తున్న కృషి అపూర్వమైనది. 200 రూపాయలు ఉన్న అనేక పెన్షన్ పథకాలను మొదట వెయ్యి రూపాయలకు పెంచి ప్రస్తుతం 2016 రూపాయలు ఇస్తున్నారు. అలాగే వికలాంగులు ఇతర లబ్ధిదారులకు 3,016 వరకు పెన్షన్ అందుతుంది. అణగారిన వర్గాలైన దళితులకు దళిత బంధు పథకా లను ప్రవేశ పెట్టింది. ఆత్మగౌరవ నినాదంగా డబుల్ బెడ్ రూమ్ ఇళ్లను ప్రభుత్వం కడుతుంది. నీళ్లు నిధులు నియామకాల ట్యాగ్ లైన్లో మూడవదైన నియామకాల విషయంలో పూర్తి స్థాయిలో ఇంకా ప్రభుత్వ ఉద్యోగాల కల్పన జరగక పోయినా అది నిరంతర ప్రక్రియగా ముందుకు సాగుతుంది. ఉపాధి అంటే ప్రభుత్వ ఉద్యోగమే కాదు అన్న ఎరుకను ప్రజలకు ముఖ్యంగా నిరుద్యోగులకు తెలియజేయాల్సి ఉంది. మనం చేయాల్సింది ప్రభుత్వ ఉద్యోగం కాదు మనమే ఉద్యోగ కల్పన చేసి మరింత మందిని ఉద్యోగంలోకి తీసుకునే స్వయం ఉపాధి కల్పిం చుకునే దిశగా నేటి యువతను ఆలోచించుకునే దిశగా ప్రక్రియ మొదలు పెట్టుకోవాల్సింది. సమాజం ఎలా సాగుతుందో ఆ ఒరవడిలో కొట్టుకపోవడం ప్రభుత్వాలు పాలకుల పని కాదు.