സ്വർണ്ണവായ്പയിൽ പ്രതിമാസ ഇഎംഐ ഓപ്ഷൻ അനുവദിച്ചേക്കും

സ്വർണ്ണത്തിന്റെ ഈടിൽ മാത്രം ശ്രദ്ധിക്കാതെ കടം വാങ്ങുന്നവരുടെ തിരിച്ചടവ് ശേഷി വിലയിരുത്താനും ആർബിഐ ധനകാര്യ സ്ഥാപനങ്ങളോട് ആവശ്യപ്പെട്ടിട്ടുണ്ട്

മുംബൈ: റിപ്പോർട്ടുകൾ പ്രകാരം സ്വർണ്ണവായ്പ മേഖലയിൽ വിപ്ലവകരമായ ഒരു പ്രഖ്യാപനത്തിന് ഒരുങ്ങുകയാണ് ഇന്ത്യയുടെ കേന്ദ്ര ബാങ്കായ ആർബിഐ. ബാങ്കുകളും, എൻബിഎഫ്സികളും ഉൾപ്പെടെയുള്ള ധനകാര്യ സ്ഥാപനങ്ങൾ ഉടനടി സ്വർണ്ണ വായ്പ എടുക്കുന്നവർക്ക് പ്രതിമാസ ഇഎംഐ ഓപ്ഷൻ വാഗ്ദാനം ചെയ്തേക്കുമെന്നു റിപ്പോർട്ടുകൾ വ്യക്തമാക്കുന്നു. നിലവിലുള്ള സ്വർണ്ണ വായ്പ രീതികളിലെ പ്രശ്നങ്ങൾ ഉയർത്തിക്കാട്ടുന്ന റിസർവ് ബാങ്ക് ഓഫ് ഇന്ത്യയുടെ നിരീക്ഷണങ്ങളെ തുടർന്നാണ് പുതിയ നീക്കം.