ഇന്ത്യയിൽ ശതകോടീശ്വരന്മാർ ഇരട്ടിയായി

ആസ്തിയിലും വമ്പൻ വളർച്ച

ന്യൂഡൽഹി: പ്രധാനമന്ത്രി നരേന്ദ്ര മോദിയുടെ കഴിഞ്ഞ 10 വർഷ ഭരണകാലത്ത് ഇന്ത്യയിൽ ശതകോടീശ്വരന്മാരുടെ എണ്ണം ഇരട്ടിയിലേറെയായി വർധിച്ചെന്ന് സ്വിറ്റ്സർലൻഡ് ആസ്ഥാനമായ പ്രമുഖ ധനകാര്യ സ്ഥാപനം യുബി എസിന്റെ റിപ്പോർട്ട്. ഏഷ്യ പസഫിക് (APAC) മേഖലയിൽ സമ്പരംഗത്ത് "ഏറെ തിളക്കമുള്ള രാജ്യമായ ഇന്ത്യയിൽ ശതകോടീശ്വരന്മാരുടെ ആസ്തി കഴിഞ്ഞ ദശാബ്ദത്തിൽ മൂന്നിരട്ടിയോളം (+263%) ഉയർന്ന് 905.6 ബില്യൺ ഡോളറിൽ (ഏകദേശം 76.60 ലക്ഷം കോടി രൂപ) എത്തിയെന്നും റിപ്പോർട്ടിലുണ്ട്.