પ્રમુખસ્વામીનગરમાં ફાયર બ્રિગેડના ત્રણ ઓફિસર સહિતની એક ટીમ ‘રાઉન્ડ ધ ક્લોક' તહેનાત

ગેટ નંબર-૪ પાસે અસ્થાયી ફાયર સ્ટેશન ઊભું કરાયું

અમદાવાદ, શુક્રવાર

શહેરીજનો ઓગણજ ખાતે વિરાટ સ્વરૂપે ઊભા કરાયેલા પ્રમુખસ્વામીનગરને વધાવી લીધું હોવાથી તે એક મહિના માટે દર્શનાર્થીઓને અનેરો લહાવો પૂરો પાડશે. સંત શિરોમણિ પ્રમુખસ્વામી મહારાજની જન્મ શતાબ્દી નિમિત્તે યોજાનારા આ ભવ્યાતિભવ્ય મહોત્સવ માટે મ્યુનિ. ફાયર બ્રિગેડ પણ સજ્જ બન્યું છે. તંત્ર દ્વારા પ્રમુખસ્વામીનગરમાં ખાસ ફાયર સ્ટેશન ઊભું કરાયું છે, જે એક મહિનાના સમયગાળા સુધી આ નગરમાં કાર્યરત રહેશે.