ఆయువు-ఆరోగ్యం, యశస్సును పెంచే మరియు పితరులకు సద్గతిని కలిగించే వ్రతం

ఏకాదశి మహాత్యం

సెప్టెంబరు 28 : ఇందిర ఏకదాశి ప్రత్యేకం

సెప్టెంబరు 28న ఇందిరా ఏకాదశి ఉంటుంది. దీని మహాత్మ్యం, విధానం మరియు కథ పూజ్య బాపూజీగారి సత్సంగం నుండి : ధర్మరాజు శ్రీకృష్ణ భగవానుడిని అడితాడు : "స్వామీ ! ఆశ్వీయుజ మాసం (అమావాస్యాంత భాద్రపద) కృష్ణ పక్ష ఏకదాశి పేరు ఏమిటి అలాగే దీని యొక్క ఫలం ఏమిటి ? దీని మహిమను నాకు చెప్పండి.”

శ్రీకృష్ణుడు అంటాడు

“రాజా ! ఆ ఏకాదశి పేరు 'ఇందిర' దీని వ్రత ప్రభావంతో పెద పెద పాపాల నాశనం జరుగుతుంది. ఈ వ్రతం నీచ జన్మలో దుఃఖాన్ని అనుభవించే పూర్వీకుల పుణ్యలాభం కొరకు చేసినట్లయితే వారికి సద్గతి కలుగుతుంది.

సత్యయుగంలో మాహిష్మతిపురిలో ఇంద్ర సేనుడు అనబడే గొప్ప ధర్మాత్మ, ప్రజాపాలకుడు, సత్యనిష్ఠుడు, న్యాయప్రియుడైన రాజు ఉండేవాడు. అతడి రాజ్యంలో ధన-ధాన్యాలు, సుఖ సంపదలకు లోటు ఉండేది కాదు. అతడు ప్రజలకు ఉత్తమ శ్రేయోభిలాషి, శత్రువులకు కాలరూపుడు మరియు మిత్రులకు ఇంద్రస్వరూపుడుగా ఉండేవాడు. పండితు లలో అతడికి ప్రసిద్ధి ఉండేది అలాగే దానవీరులలో కూడా అతడికి పేరు ఉండేది. అతడు భగవంతుని భక్తిలో తత్పరుడై భగవన్నామ జపం చేస్తూ సమయాన్ని గడుపుతూ ఉండేవాడు అలాగే విధిపూర్వకంగా ఆధ్యాత్మ-తత్త్వ చింతనలో నిమగ్నుడై ఉండేవాడు.