கல்கி

கலியுகத்தில் கடவுளின் அவதாரமான கல்கியை பெற்றெடுக்கும் கர்ப்பிணித் தாயை வில்லன் குரூப் கொலை செய்ய முயற்சிக்க.. அடுத்து என்ன நடக்கிறது என்பதே கதை.

- 

மகாபாரத யுத்தத்தில் பாண்டவர் வம்சத்தின் கடைசி வாரிசை துரோணாச்சாரியார் மகன் அஸ்வத்தாமன் (அமிதாப்பச்சன்) அழிக்கிறார்.

கலியுகத்தில் கல்கி அவதாரம் எடுக்கும் போது அந்த குழந்தையின் உயிரை காக்கும் பொறுப்பை கொடுத்து, அதுவரை உனக்கு மரணமே கிடையாது, இந்த உலகம் உன் கண் முன்னே அழிவதை நீ பார்ப்பாய்... என அஸ்வத்தாமனை கிருஷ்ணர் சபிக்கிறார்.

கலியுகத்தில் நவீன உலகம் பாலைவனமாக மாறிக் கிடக்கிறது. எஞ்சி நிற்கும் ஒரே நகரமாக காசி இருக்கிறது. அதில் டெக்னாலஜி மிரட்டும் 'காம்ளக்ஸ்' என்ற தனி வாழ்விடத்தை சுப்ரீம் யஸ்கின் (கமல்ஹாசன்) உருவாக்கி வைத்துள்ளார்.

பவுண்டி ஹண்டர்கள் இளம் பெண்களை கடத்திச் சென்று யூனிட்களுக்கு (டிஜிட்டல் பணம்) விற்று விடுகிறார்கள். அந்த பெண்களை செயற்கை முறையில் கருத்தரிக்க வைத்து 100 நாட்கள் கடந்ததும் வயிற்றில் இருந்து ஒரு சீரம் தயாரிக்கிறார்கள். அந்த திட்டத்திற்கு புராஜெக்ட் கே என்று பெயர்.

சண்டையில் ஒரு தோல்வியைக் கூட சந்திக்காத பவுண்டி ஹன்டரான பைவரா (பிரபாஸ்) தன்னுடைய லேடி ஏ.ஐ ரோபோ புஜ்ஜியுடன் (கீர்த்தி சுரேஷ் வாய்ஸ்) சேர்ந்து டெக்னாலஜியைப் பயன்படுத்தி பல சாகசங்களை செய்கிறார்.

எப்படியாவது சுப்ரீம் பவரின் காம்ப்ளக்ஸில் (சொர்க்கம் போன்ற உலகம்) வாழ வேண்டும் என்பது பைரவனின் ஆசை. அதற்காக சுயநலவாதியாகவே வாழ்கிறான்.