இக்கட்டான நிலையில் இருந்து நாட்டை மீட்ட பொருளாதார மேதை மன்மோகன் சிங்!

இந்திய நாட்டின் தலைமைப்பொருளாதார ஆலோசகர்‌, ரிசர்வ்‌ வங்கியின்‌ ஆளுநர்‌, இட்டக்குழுதலைவர்‌, நிதிஅமைச்சர்‌, பிரகம மந்திரி- இவ்வளவு பதவிகள்‌ வகித்தும்‌ "நேர்மை' என்னும்‌ தம்‌ அடிப்படைப்‌ பண்பில்‌ இருந்து மாறாதவர்‌ டாக்டர்‌ மன்மோகன்‌சிங்‌.

- பவானி

பொருளாதார நெருக்கடியில்‌ இருந்து நாட்டை மீட்டுக்‌ கொடுத்த இவருடைய வரலாற்றை இளைய சமுதாயம்‌ அறிவது அவசியம்‌. ஆங்கிலேயர்‌ நம்‌ நாட்டை ஆட்சி செய்து கொண்டிருந்த காலகட்டத்தில்‌ ஒருங்கிணைந்த பஞ்சாபில்‌ 26.09.1932 அன்று மன்மோகன்‌ சிங்‌ பிறந்தார்‌. இவருடைய பெற்றோர்‌ குருமிக்சிங்‌ அம்ரித்‌ கவுர்‌ ஆவர்‌.

தம்‌ இளமைக்‌ காலத்திலேயே உயர்ந்த சிந்தனையையும்‌ நிதானப்‌ போக்கையும்‌ கல்வியில்‌ ஆர்வத்தையும்‌ கொண்டிருந்தார்‌, மன்மோகன்‌ சிங்‌.

இந்தப்‌ பண்புகளால்‌ அவர்‌ எங்கிருந்தாலும்‌ அறியப்படும்‌ நட்சத்திரமாக காட்சியளித்தார்‌. ஆக்‌ஸ்‌போர்ட் பல்கலைலக்கழகத்தில்‌, பொருளாதாரத்தில்‌ முனைவர்‌ பட்டம்‌ பெற்றதும்‌ ஐக்கிய நாடுகள்சபையில்‌ பணியாற்றும்‌ வாய்ப்பு கிடைத்தது.

அங்கு அவர்‌ செயலாற்றிய விதமும்‌ நுண்ணறிவும்‌ இந்திய ஆட்சியாளர்களுக்கு தெரிய வந்தது. அவர்‌ சேவையை பயன்படுத்‌ இக்‌ கொள்ள நாடு தயாரானது.

1970களில்‌ நான்காண்டுகள்‌ இந்திய நாட்டின்‌ தலைமைப்‌ பொருளாதார ஆலோசகராக இருந்தார்‌. 1980 களில்‌ ரிசர்வ்‌ வங்கியின்‌ ஆளுநராக மூன்று ஆண்டுகளும்‌ இட்டக்‌ குழுவின்‌ தலைவராக இரண்டு ஆண்டுகளும்‌ வீற்றிருந்தார்‌.

இப்பொறுப்புகளின்‌ காரணமாக இந்திய பொருளாதாரத்தை உள்ளங்கை நெல்லிக்கனி போல அறிந்தார்‌.

வளைகுடா போரின்‌ விளைவாக கச்சா எண்ணெயின்‌ விலை மூன்று மடங்காக அதிகரித்தது.

அந்நிய கையிருப்பு செலாவணி குறைந்த பட்ச அளவு கூட கையில் இல்லை.

இத்தகைய கடுமையான பொருளாதார நெருக்கடி நேரத்தில் 1991-ல் பிரதமராக நரசிம்மராவ் பொறுப்புக்கு வந்தார்.

இந்த சூழலில் நாட்டை நிலை நிறுத்துவதற்குதகுதியான ஒரே நபர் மன்மோகன் சிங்தான் என்று அவர் கணித்தார்.