எதிர்காலத்தை எவ்வாறு தேர்ந்தெடுப்பது?

எதிர்காலம் சிறப்பாக அமையும் வகையிலான உயர் கல்வி படிப்புகளை எவ்வாறு தேர்வு செய்வது என்பது குறித்து குழந்தைகளுக்கு பெற்றோர் உதவ வேண்டும்.

உயர் கல்வியைப் பொறுத்து, மாணவர்களின் எதிர்காலம் அமையும். வாய்ப்பை தேடும் கல்வியை விட, வேலைவாய்ப்பு தேடி வரும் கல்வியை தேர்வு செய்வது தான் புத்திசாலித்தனம் என்பதை பெற்றோர் உணர வேண்டும்.

இதற்கு உரிய படிப்பு, தரமான கல்லூரியை தேர்வு செய்வது முக்கியம்.

பொறியியல் துறையில் இஇஇ, சிவில், கணினி அறிவியல், தகவல்தொழில் நுட்பம், எந்திரவியல், வாகனத்துறை போன்றவற்றுக்கு எதிர்காலம் உள்ளது. குறிப்பாக எந்திரவியல் பிரிவில் மாணவிகளுக்கு சிறப்பான எதிர்காலம் உள்ளது.

பொறியியல் துறையை தேர்வு செய்யும் மாணவர்கள், வளாக நேர்காணலில் தேர்வு பெறுவதற்கான திறமையை வளர்த்துக் கொள்வது முக்கியம்.

வரும் ஆண்டுகளில் வேளாண்மை படிப்புகளுக்கு நல்ல வரவேற்பு இருக்கும். காட்சி விளைவுகள் (அனிமேஷன்), இயங்கு படம் (விசுவல் எபெக்ட்), ஆங்கில இலக்கியம், கணிதம், சுற்றுலா, பொருளியல், வங்கி, தகவல் தொழில்நுட்பம், சட்டம் போன்ற படிப்புகளுக்கு எதிர்காலம் உள்ளது.

12 ஆம் வகுப்பு முடித்து பட்டய கணக்காயர் (சிஏ) படிப்பை தேர்வு செய்தால் அதிக சம்பளத்துடன் வளமான எதிர்காலம் அமையும்.

12 ஆம் வகுப்புக்கு பின் தேர்வு செய்யும் கல்வி தான் வாழ்க்கைக்கு பயனுள்ளதாக அமையும். தற்போது சி.ஏ. மற்றும் ஐசிடபிள்யூ போன்ற படிப்புகள் மருத்துவம், பொறியியல் துறைக்கு இணையானது.

அதிகம் வரவேற்பு இருக்கப் போகும் பட்டய கணக்காயர் படிப்பு கடினம் என்று கருத்து உள்ளது. நாள் ஒன்றுக்கு 5 மணி நேரம் படித்தால் சிஏ தேர்வில் எளிதில் வெற்றி பெறலாம்.

ஒவ்வொரு ஆண்டும் நுழைவுத்தேர்வு நடக்கும். சி.ஏ. நிறுவனத்தில் (இன்ஸ்டிட்யூஷனில்) மாணவர்கள் பெயரை பதிவு செய்ய வேண்டும். முதல் தேர்வில், கணக்கியல் 60, சட்டம் 40. பொருளியல் 50, கணிதம் மற்றும் புள்ளியியலில் இருந்து 50 மதிப்பெண்கள் என, 200 மதிப்பெண்களுக்கு கேள்விகள் கேட்கப்படும்.