ബി എം ഡബ്ല്യു iX

മിനിമലിസത്തോടെ നിരവധി ആധുനിക സാമഗ്രികൾ ഡാഷ്ബോർഡിൽ സമന്വയിപ്പിച്ചിരിക്കുന്നു

- വിവേക് വേണുഗോപാൽ

ലോകോത്തര ബ്രാൻഡ് എന്ന നിലയിൽ സ്റ്റൈലിംഗ്, ഇന്റീരിയർ, ടെക് അല്ലെങ്കിൽ പുതിയ പ്രൊപ്പൽഷൻ സംവിധാനങ്ങൾ എന്നിവയിലെല്ലാം മറ്റെല്ലാറ്റിനേക്കാളും വേഗത്തിൽ പുനഃർനിർമ്മാണപ്രക്രിയകൾ നടത്തുന്ന ബ്രാൻഡാണ് ബി എം ഡബ്ല്യൂ. കഴിഞ്ഞ 2-3 വർഷങ്ങളായി ഇവർ ഈ പ്രക്രിയ തുടർന്നുകൊണ്ടേയിരിക്കുന്നു. മു ഖ്യധാരാ മോഡലുകൾ പുതിയ മാറ്റങ്ങൾ പരിഷ്കരിച്ചിട്ടുണ്ടെങ്കിലും, ബി എം ഡബ്ല്യൂ iX പുറത്തിറക്കിയ ദിവസത്തേതുപോലെത്തന്നെ ഗംഭീരമായി ഇപ്പോഴും അതിന്റെ ജൈത്രയാത്ര തുടരുന്നു.

ഏതാണ്ട് X5 ന്റെ അത്രയും വലിപ്പം വരുന്ന എസ് യു വിയായതിനാൽ ix കാണാനും ഗാംഭീര്യമുള്ള മോഡലാണ്. ഇത് സ്റ്റൈലിംഗ് അഭിപ്രായങ്ങളെ ഖണ്ഡിക്കുന്നതരമാണ്, പ്രത്യേകിച്ച് ഉള്ളിലെ ധാരാളം സാങ്കേതികവിദ്യകൾ മറയ്ക്കുന്ന വലിയ ഗ്രിൽ. സുതാര്യ മായ പോളിയുറീൻ കോട്ടിംഗുള്ള പുറം പാളിക്ക് പിന്നിൽ ക്യാമറയും റഡാറും മറ്റ് സെൻസറുകളും ഒരുക്കിയിട്ടുണ്ട്. ബിഎംഡബ്ല്യുവിന്റെ പ്രശസ്തമായ CLAR പ്ലാറ്റ്ഫോമിലാണ് iX നിർമ്മിച്ചി രിക്കുന്നത്, കൂടാതെ ഡോർ ഫ്രെയിം, ബൂട്ട്-ലിഡ് ഏരിയ തുടങ്ങിയ ഭാഗങ്ങൾ നിർമ്മിച്ചിരിക്കുന്നത് കാർബൺ കോർ കരുത്തുള്ള സ്റ്റീലും റീസൈക്കിൾ ചെയ്ത അലൂമിനിയവുമുപയോഗിച്ചാണ്.

ഇന്റീരിയറിലേക്ക് ശ്രദ്ധതിരിക്കുകയാണങ്കിൽ  പ്രകൃതിക്കിണങ്ങുന്ന രീതിയിലാണ് അതൊരുക്കിയിരിക്കുന്നത്. പുനഃചംക്രമണം (റീസൈക്കിൾ ) ചെയ്ത മത്സ്യബന്ധനവലകൾ കൊണ്ടാണ് പരവതാനി(കാർപെറ്റ് ) നിർമ്മിച്ചിരിക്കുന്നത്. ഉത്തമമായ തടിയും ഒലിവ് ഓയിൽ ഉപയോഗിച്ച് മിനുസ്സപ്പെടുത്തിയ തുകലുമാണ് ഇന്റീരിയറിനു വേണ്ടി ഉപയോഗിച്ചിരിക്കുന്നത്.