ఆంధ్ర ప్రదేశ్లో ప్రముఖ పుణ్యక్షేత్రాల దర్శనం.. విశేషాలు

భారతావని పుణ్య భూమి, కర్మ భూమి. ఇక్కడ ఆధ్యాత్మిక కేంద్రాలకు గుడులకు గోపురాలకు కొదువలేదు. ఎందరో రాజవంశీయులు, పాలకులు గుడులను సర్వాంగ సుందరంగా తీర్చిదిద్దారు.

భారతావని పుణ్య భూమి, కర్మ భూమి. ఇక్కడ ఆధ్యాత్మిక కేంద్రాలకు గుడులకు గోపురాలకు కొదువలేదు. ఎందరో రాజవంశీయులు, పాలకులు గుడులను సర్వాంగ సుందరంగా తీర్చిదిద్దారు. దక్షిణ భారతదేశంలో ఆలయాలన్నీ దాదాపు భారతీయ సంస్కృతిని ఉట్టిపడే విధంగా ఆనాడు నిర్మించారు. ఆరోజుల్లో అత్యధిక ధన, కనక సంపద ఆలయాలలోనే ఉండేవి.

ఆంధ్ర ప్రదేశ్ లో కూడా కొన్ని చెప్పుకోదగ్గ ఆలయాలు ఉన్నాయి. ఏపీలో శైవ, వైష్ణవ మతాలు రెండూ అనాదికాలం నుండి అమలులో ఉన్నాయి.

శివ భగవానుడిని, వెంకటేశ్వర స్వామిని, నరసింహ స్వామిని ఎక్కువగా పూజిస్తారు. దేవాలయాల శిల్పకళా వైభవం, నాటి నుండి నేటివరకు అవి వెలుగొందిన తీరు, స్థలపురాణం ఇటు భక్తులను, అటు యాత్రికులను విశేషంగా ఆకట్టుకుంటున్నాయి. ఆంధ్రప్రదేశ్లో ప్రసిద్ధి చెందిన పుణ్యక్షేత్రాల వివరాలలోకి వెళితే ..

అహెూబిలం : అహెూబిలం ఆంధ్ర ప్రదేశ్ లోని కర్నూలు జిల్లాలో కలదు. ఇక్కడ ప్రసిద్ధి చెందిన శ్రీ లక్ష్మి నరసింహ స్వామి ఆలయం ఉంది.ఈ వైష్ణవ క్షేత్రం చుట్టూ నల్లమల అడవులు, ప్రకృతి అందాలు, హోరెత్తించే జలపాతాలు, నదులు ఉన్నాయి. ఇవి హిందూ భక్తులకే కాక, పర్యాటకులను ఆకర్షిస్తున్నాయి.

చూడవలసినవి : ఎగువ అహెూబిలం, దిగువ అహోబిలం ఎక్కడి నుండి ఎంత దూరం : కర్నూలు 137 కి.మీ, నంద్యాల 66 కి.మీ, హైదరాబాద్ 350 కి.మీ, బెంగళూరు 407 కి.మీ, కడప 114 కి.మీ, విజయవాడ 348 కి.మీ.

సౌకర్యాలు : హెూటళ్లు, క్యాంటీన్లు, సత్రాలు, బ్రాహ్మణ నిత్య అన్నదాన సత్రం, అన్నమాచార్య నిత్య అన్నదాన సత్రం కలవు.

అన్నవరం : అన్నవరం తూర్పు గోదావరి జిల్లాకు చెందినది. పిలిస్తే పలికే దైవంగా పేరొందిన శ్రీ వీర వెంకట సత్యనారాయణ స్వామి ఇక్కడి రత్నగిరి అనే కొండ పై వెలిశాడు. కార్తీక మాసంలో ఇచట కనీవినీ ఎరుగని రీతిలో భక్తులు వస్తుంటారు. సామూహికంగా వందలాది మంది దంపతులు కూర్చొని ఒకేసారి సత్యనారాయణ స్వామి వ్రతాన్ని చేయటం ఇక్కడి ప్రత్యేకత.

చూడవలసినవి : పంపానది, సత్యనారాయణ స్వామి గుడి, సీతారాముల గుడి, వనదుర్గమ్మ, కనక దుర్గమ్మ గుడి, తులసి వనం, తోటలు మొదలైనవి.

ఎక్కడి నుండి ఎంత దూరం : రాజమండ్రి - 84 కి.మీ, వైజాగ్ - 123 కి.మీ, విజయవాడ - 234 కి.మీ, హైదరాబాద్ - 483 కి.మీ.