பாகிஸ்தானில் தடைசெய்யப்பட்ட பாகிஸ்தான் படம்!

ஜிந்தகி தமாஷா’ (Circus of life)

இது பாகிஸ்தானின் லாலிவுட்டிலிருந்து வந்திருக்கும் ஓர் அழகான உருது மற்றும் பஞ்சாபி மொழி திரைப்படம். வேடிக்கையான வாழ்க்கை எனப் பொருள்படும் இந்தப் படம், கடந்த நான்கு ஆண்டுகளாக பல்வேறு வேடிக்கைகளைச் சந்தித்து சமீபத்தில்தான் வெளியானது. அதுவும் யூ
டியூப்பில்!

ஆசிய சினிமாவின் ஒரு சாளரம் எனப் புகழாரம் சூட்டப்படும் இந்தத் திரைப்படம் கடந்த 2020ம் ஆண்டே திரையரங்குகளில் வந்திருக்கவேண்டியது. ஆனால், மத அமைப்பு களின் கண்டனங்களாலும் அரசியல் கட்சி ஒன்றின் போராட்டங்களாலும் வெளியாகாமலேயே போனது. அதனாலேயே உலகம் முழுவதும் பெரும் கவனத்தை ஈர்த்திருக்கிறது இந்தப்
படம்.

அதுமட்டுமல்ல. விமர்சன ரீதியாகவும் சிறந்த படமாக முன்வைக்கப்படுகிறது. கடந்த 2019ம் ஆண்டு தென்கொரியாவின் பூசான் சர்வதேச திரைப்பட விழாவில் முதன்முதலில் இப்படம் திரையிடப்பட்டது. 

அப்போது சிறந்த படத்திற்கான கிம் ஜி-சியோக் விருதினை வென்றது. தொடர்ந்து, 93வது ஆஸ்கார் விருதுகளில் சிறந்த சர்வதேச திரைப்படத்திற்கான பாகிஸ்தானின் அதிகாரபூர்வ நுழைவாகவும் இத்திரைப்படம் சென்றது. ஆனால், ஆஸ்கார் விருதுக்கான பரிந்துரைக்குள் நாமினேட் ஆகவில்லை.

பின்னர், 2021ல் லாஸ் ஏஞ்சல்ஸ் நகரில் 6வது ஆசிய உலகத் திரைப்பட விழாவில் நான்கு விருதுகளை வென்றது. இப்படி பல்வேறு கவனங்களைப் பெற்றிருந்தபோதும் பாகிஸ்தான் திரையரங்குகளில் மட்டும் வெளியாகவே இல்லை. கடந்த 2022ம் ஆண்டு மார்ச் மாதம் உறுதியாகப் படம் வெளியாகும் என அறிவிப்பு செய்தது படக்குழு. ஆனால், காரணங்கள் எதுவும் சொல்லப்படாமல் ஒத்தி வைக்கப்பட்டது.

பின்னர் இஸ்லாமிய எதிர்ப்பு உள்ளடக்கம் இருப்பதாகக் கூறி, பாகிஸ்தான் அரசாங்கம் திரையிடலை ஒத்திவைத்தது. தொடர்ந்து படத்திற்கு எதிர்ப்புகளும், இயக்குநர் சர்மத் கூசாத்திற்குக் கொலை மிரட்டல்களும் வந்தன. படமும் சில இணையதளங்களில் சட்டவிரோதமாக வெளியானது. 

சரி, இயக்குநர் சர்மத் அப்படி என்னதான் சர்ச்சையான விஷயங்களைப் படத்தில் பேசியிருக்கிறார்?