டூயட்...லவ்...இல்லாத ஸ்டைலிஷ் ஹீரோயின்!

சினிமா விமர்சகர், அரசியல் பத்திரிகையாளர், காவல் அதிகாரி, இன்வெஸ்டிகேஷன் ஆபீசர், விளம்பரப் பட இயக்குநர்...

- 

இப்படி தனித்துவமான கேரக்டர்கள், ஸ்டைலிஷ் லுக் என எப்போதும் கவனம் ஈர்ப்பவர் தன்யா ஹோப்.பெயரிலேயே நம்பிக்கையை வைத்திருக்கும் நம்பிக்கை நட்சத்திரமான இவர், ‘வெப்பன்’ படத்தின் ரிலீஸ் உற்சாகத்தில் ஹாய் சொல்கிறார்.

‘இந்த நம்பர் விளையாட்டுகளில் எனக்கு எப்போதும் நம்பிக்கை கிடையாது. அதேபோல் எண்ணிக்கைக்காக, வரும் அத்தனை கதாபாத்திரங்களிலும் கூட நடிப்பதில்லை.

அதனால்தான் தொடர்ச்சியாக ஒரே வருடத்தில் டஜன் கணக்கில் படங்கள் நடிப்பதில்லை...’’ சிந்தனையிலும் வார்த்தைகளிலும் தெளிவுடன் பேசுகிறார் தன்யா ஹோப்.

15 படங்களுக்கு மேல் நடித்தும் கூட உங்களிடம் அந்த ஸ்டார்டம் பந்தா இல்லை என பலரும் சொல்கிறார்களே?

உண்மையாகவே அப்படிச் சொன்னால் ரொம்ப சந்தோஷம். என்னைப் பொறுத்தவரை ஒரு ஹீரோயின் அல்லது ஒரு ஸ்டார் என்றால் இப்படித்தான் இருக்கணும் என்கிற டெம்ப்ளேட் எனக்குத் தெரியாது. அதுதான் உண்மை. சினிமாவிற்கு முன்பு எப்படி இருந்தேனோ அதையேதான் இப்போதும் செய்கிறேன். பந்தா, பில்டப் இதெல்லாம் காண்பிச்சு என்ன கொண்டு போகப் போகிறோம்! அதற்கு பதிலாக நாம் நாமாக இருந்தாலே நல்ல நண்பர்கள் கிடைப்பார்களே!

சீனியர் நடிகர் சத்யராஜ் உடன் இணைந்து பணியாற்றிய அனுபவம் குறித்து சொல்லுங்கள்?