മായാത്ത അടയാളങ്ങൾ ജനാർദ്ദനൻ

കേരളത്തിൽ ഏറ്റവും കൂടുതൽ തവണ മുഖ്യമന്ത്രിയായിട്ടുള്ളത് ഒരുപക്ഷേ, ഞാനായിരിക്കും(ജനാർദ്ദനൻ ചിരിക്കുന്നു.

- ജി. കൃഷ്ണൻ

ഓരോരുത്തർക്കുമു ണ്ടാകും ജീവിതയാത്രയ്ക്കിടയിൽ ഓരോ അടയാളങ്ങൾ. വഴിത്തിരിവുകളായി സംഭവിക്കുന്ന ആ അടയാളങ്ങൾ ജീവിതത്തിൽ മായാതെ കിടക്കും.

ചലച്ചിത്രനടൻ ജനാർദ്ദനന്റെ ജീവിതത്തിലുമുണ്ട് ഇതുപോലെ ഓരോ അടയാളങ്ങൾ.

ജനാർദ്ദനൻ ആദ്യമായി അഭിനയിച്ച സിനിമ കെ.എസ്. സേതുമാധവൻ സംവിധാനം ചെയ്ത ‘ആദ്യത്തെ കഥയാണ്.

അഭിനയവർഷത്തിന്റെ അൻപത് ആണ്ടുകൾ പൂർത്തിയാക്കുകയാണ് ജനാർദ്ദനൻ. ആരവങ്ങളില്ലാതെ.. ആഘോഷങ്ങളില്ലാതെ.

ഏതാനും ദിവസങ്ങൾക്ക് മുമ്പ് ജനാർദ്ദനൻ ചേട്ടന്റെ എറണാകുളത്തെ വസതിയിൽ വച്ചുള്ള കൂടിക്കാഴ്ചയിലാണ് വർത്തമാനങ്ങൾക്കിടയിൽ അദ്ദേഹം ഇക്കാര്യം പറഞ്ഞത്.

“ആരും ചോദിച്ചിട്ടുമില്ല, ആരോടും പറഞ്ഞിട്ടുമില്ല.'- ചിരിയോടെ ജനാർദ്ദനൻ ഇങ്ങനെ തുടർന്നിട്ടു പറഞ്ഞു.

“സിനിമയിൽ അൻപത് വർഷങ്ങൾ പൂർത്തിയാക്കുന്നത് ഒരു ചെറിയ കാര്യമല്ല. പലരും അത് വലിയ ആർഭാടമായി കൊട്ടിഘോഷിക്കാറുണ്ട്. ഞാനതിനൊന്നും തുനിഞ്ഞില്ല.

ജനാർദ്ദനൻ അഭിനയിച്ച് പൂർത്തിയാക്കിയ ഏറ്റവും പുതിയ സിനിമ ഹരികുമാർ സംവിധാനം ചെയ്ത "ഓട്ടോറിക്ഷക്കാരന്റെ ഭാര്യയും ഷാജി കൈലാസിന്റെ കടുവയും ആണ്. സിനിമാഭിനയത്തിന്റെ ആദ്യകാലങ്ങളിൽ അധികവും വില്ലൻ വേഷങ്ങളാണ് ചെയ്തിട്ടുള്ളതെങ്കിലും പിൽക്കാലത്ത് സ്വഭാവനടനായും ചുരുക്കം ചില ചിത്രങ്ങളിൽ നർമ്മത്തിന്റെ പരിവേഷമുള്ള കഥാപാത്രമായും ജനാർദ്ദനൻ അഭിനയിച്ചിട്ടുണ്ട്.

ആട്ടെ, ഈ അൻപത് വർഷ കാലത്തിനുള്ളിൽ എത്ര സിനിമകളിൽ അഭിനയിച്ചിട്ടുണ്ടാകും?

ഒന്ന് ആലോചിച്ചശേഷം ജനാർദ്ദനൻ തുടർന്നു. കൃത്യമായി കണക്കൊന്നും സൂക്ഷിച്ചിട്ടില്ല. ഏകദേശം അഞ്ഞൂറോളം വരും.