വേനലിൽ വാടാതിരിക്കാം

വേനൽ ശക്തമായി ക്കൊണ്ടിരിക്കുകയാണ്. ചൂട് കൂടുന്നത് പലതരം ആരോഗ്യപ്രശ്നങ്ങൾക്ക് ഇടയാക്കാം. ഈ സമയത്ത് ശ്രദ്ധിക്കേണ്ട കാര്യങ്ങളെക്കുറിച്ച്

- ഡോ.സൗമ്യ സത്യൻ കൺസൽട്ടന്റ്-ഫിസിഷ്യൻ ജനറൽമെഡിസിൻ വിഭാഗം മൗലാനഹോസ്പിറ്റൽ,പെരിന്തൽമണ്ണ

സൂര്യാഘാതം

 സാധാരണഘട്ടങ്ങളിൽ മനുഷ്യശരീരത്തിന്റെ താപനില 37 ഡിഗ്രി ആയി ക്രമീകരിക്കാൻ ശരീരത്തിൽ സംവിധാനങ്ങൾ ഉണ്ട്. എന്നാൽ, ഒരു പരിധിയിൽ കൂടുതൽ അന്തരീക്ഷ താപനില ഉയർന്നാൽ ഈ സംവിധാനങ്ങൾ തകരാറിലാവുകയും ശരീരത്തെ പല രീതിയിൽ അത് ബാധിക്കുകയും ചെയ്യും. അതിനെയാണ് സൂര്യാഘാതം എന്ന് പറയുന്നത്.

ലക്ഷണങ്ങൾ ഉയർന്ന ശരീര താപനില, ചുണ്ടുക ളിൽ വരൾച്ച, തൊലിപ്പുറത്ത് വരൾച്ച, തലവേദന, തലകറ ക്കം, ബോധക്ഷയം, അമിത ദാഹം, പേശികൾക്ക് വലിവ്, മുറുക്കം, അമിതമായ ചൂടിലും വിയർപ്പ് ഇല്ലാ ത്ത അവസ്ഥ, മൂത്രത്തിന്റെ അളവ് കുറയുക, സൂര്യതാപം ഏറ്റ സ്ഥലത്ത് കുമിളകൾ, തൊലിപ്പുറത്ത് പൊള്ളൽ, തൊലിക്ക് നിറവ്യത്യാസം, അപസ്മാരം.

ചികിത്സ ലക്ഷണങ്ങൾ ക്കുള്ള ചികിത്സ ആണ് പ്രധാനം. സൂര്യാഘാതം ഏറ്റ വ്യക്തിയെ ആ പരിസരത്ത് നിന്നും മാറ്റുക.

ഫാനിന്റെ അടിയിൽ കിടത്തുക.

വെള്ളത്തിൽ മുക്കിയ തുണി അല്ലെങ്കിൽ സ്പോഞ്ച് കൊണ്ട് ശരീരം  മൃദുവായി ഒപ്പുക.

കക്ഷം, കഴുത്ത്, പുറം എന്നിവിടങ്ങളിൽ ഐസ് പായ്ക്കുകൾ വയ്ക്കുക.

പ്രതിരോധം: നാല് വയസ്സു വരെയുള്ള കുട്ടികളും 65 വയസ്സിന് മുകളിലുള്ള മുതിർ ന്നവരും കൂടുതൽ കരുതൽ സ്വീകരിക്കണം. കാരണം അവരുടെ ശരീരം മറ്റുള്ളവ രെ അപേക്ഷിച്ച് കൂടുതൽ സാവധാനത്തിലാണ് ചൂട് ക്രമീകരിക്കുന്നത്.

ശുദ്ധജലം, ഉപ്പിട്ട കഞ്ഞിവെള്ളം, മോര്, നാരങ്ങാവെള്ളം എന്നിവ ധാരാളമായി കുടിക്കുക. വൃക്ക, കരൾ രോഗമുള്ളവർ, മറ്റ് അസുഖങ്ങളുള്ളവർ ഡോക്ടർ നിർദേശിച്ച അളവിൽ മാത്രം വെള്ളം കുടിക്കുക.

തണ്ണിമത്തൻ, ഓറഞ്ച് മുതലായ പഴങ്ങളും പച്ചക്കറി സാലഡുകളും കൂടുതലായി ഭക്ഷണത്തിൽ ഉൾപ്പെടുത്തണം.

വെയിലത്ത് ജോലിചെയ്യേണ്ടിവരുന്ന അവസരങ്ങളിൽ പകൽ 11 മുതൽ 3 വരെയുള്ള സമയം വിശ്രമവേളയായി ക്രമീകരിക്കുക.

ചൂട് പുറത്തുപോകത്തക്ക രീതിയിൽ വീടിന്റെ വാതിലുകളും ജനലുകളും തുറന്നിടുക.

ഹൃദ്രോഗം പോലുള്ള മറ്റ് രോഗങ്ങൾക്ക് മരുന്ന് കഴിക്കുന്നവർ പ്രത്യേകം ശ്രദ്ധിക്കുക.

മദ്യം, ചായ, കാപ്പി, കാർബണേറ്റഡ് സോഫ്റ്റ് ഡ്രിങ്കുകൾ തുടങ്ങിയ പാനീയങ്ങൾ ഒഴിവാക്കുക.

ഇളം നിറത്തിലുള്ള ലൂസായ കോട്ടൺ വസ്ത്രങ്ങൾ ധരിക്കുക.

നിർജലീകരണം വരാൻ സാധ്യത കൂടുതലാണന്നതിനാൽ ഗർഭിണികൾ പ്രത്യേകം ശ്രദ്ധിക്കണം.

ചിക്കൻപോക്സ്