ഇലകളിൽ തേടാം നിറവൈവിധ്യം

ഒന്നിലേറെ നിറങ്ങളും പാറ്റേണുകളും ഇടകലർന്ന "വാരിഗേറ്റഡ്' ഇലകളുള്ള ചില ഇൻഡോർ ചെടികളെ പരിചയപ്പെടാം

ആരോഗ്യമുള്ള, ഇടതൂർന്ന ഇലകളുള്ള ചെടികൾ ഉണ്ടെങ്കിൽ വീടിനുള്ളിൽ പ്രത്യേകിച്ച് അലങ്കാരമൊന്നും വേറെ വേണ്ട. പ്രത്യേകതകൾ ഒന്നും തന്നെ ഇല്ലാത്ത ഒരു സ്പേസ് ഭംഗിയാക്കാൻ ഇൻഡോർ ചെടികൾക്ക് കഴിയും. ഇലകളിൽ ഒന്നിലേറെ നിറങ്ങളുള്ള ചെടികളെയാണ് വാരിഗേറ്റഡ് എന്നു വിളിക്കുന്നത്. ഇലകളുടെ നിറത്തിലും പാറ്റേണിലും വൈവിധ്യമുള്ള ഒട്ടേറെ ചെടികൾ നഴ്സറികളിൽ ലഭിക്കും. ചെടിപ്രേമികളുടെ കണ്ണും മനസ്സും വലിച്ചെടുത്ത, വാരിഗേറ്റഡ് ഇലകളുള്ള കുറച്ച് ഇൻഡോർ ചെടികളെ പരിചയപ്പെടാം.

വാട്ടർമെലൺ പെപ്പറോമിയ

ഇലകളിൽ നിന്നുപോലും തൈ ഉണ്ടാക്കാൻ പറ്റുന്ന ചെടിയാണ് പെപ്പറോമിയ, കട്ടിയുള്ള വൃത്താകൃതിയുള്ള ഇലകളാണ് ഈ കുടുംബത്തിലെ ചെടികൾക്ക്. വാട്ടർ മെലൺ പെപ്പറോമിയയുടെ ഇലകളിലെ പാറ്റേൺ തണ്ണിമത്തന്റെ പുറംതോടിനെ ഓർമിപ്പിക്കും. എപ്പോഴും നനവ് വേണം ഈ ചെടിക്ക്. പക്ഷേ, വെള്ളം കെട്ടി നിന്നാലോ നന അധികമായാലോ ചെടി ചീഞ്ഞുപോകും. നേരിട്ടല്ലാത്ത സൂര്യപ്രകാശമാണ് ഈ ചെടിക്ക് നൽകേണ്ടത്. ജൈവ വളമാണ് അനുയോജ്യം. രാസവളം കൊടുക്കുകയാണെങ്കിൽ ഒന്നര-രണ്ട് മാസത്തിൽ ഒരിക്കൽ മതി. ഇലകൾക്ക് ഇരുണ്ട ഷേഡ് ആയതിനാൽ ഇളം നിറമുള്ള ചട്ടിയാണ് ഭംഗി. ടേബിൾ ടോപ്പിൽ വയ്ക്കാൻ അനുയോജ്യമായ ചെടിയാണിത്.

ഫിലോഡെൻഡ്രോൺ ബിർക്കിൻ