മൃതദേഹങ്ങൾ എംബാം ചെയ്യാൻ ഇനിയില്ല, ചാച്ച മടങ്ങി

46 വർഷത്തെ സേവനത്തിന് ശേഷം ദുബൈ മുഹൈസിനയിലെ ഗവ. മെഡിക്കൽ ഫിറ്റ്നസ് സെന്ററിലെ എംബാമിങ് കേന്ദ്രത്തോട് ചാച്ച വിട പറഞ്ഞപ്പോൾ ബാക്കിയായത് വിലമതിക്കാനാകാത്ത സേവനത്തിന്റെ മുദ്രകളായിരുന്നു

കഴിഞ്ഞ 46 വർഷവും 'ചാച്ച' എന്ന മുംബൈ മീരാ റോഡ് സ്വദേശി അത്താഉല്ല അബൂബക്കർ ഖാസി മൃതദേഹങ്ങൾക്കൊപ്പമായിരുന്നു. ഒടുവിൽ ദുബൈ മുഹൈസിനയിലെ (സോണാപൂർ) ഗവ. മെഡിക്കൽ ഫിറ്റ്നസ് സെന്ററിലെ എംബാമിങ് കേന്ദ്രത്തോട് വിടപറഞ്ഞപ്പോൾ ബാക്കിയായത് വിലമതിക്കാനാകാത്ത സേവനത്തിന്റെ മുദ്രകളായിരുന്നു. ജാതിയുടെയോ മതത്തിന്റെയോ വർഗത്തിന്റെയോ വർണത്തിന്റെയോ രാജ്യത്തിന്റെയോ അതിർത്തികളുടെയോ വേർതിരിവില്ലാതെ ഓരോ മൃതദേഹത്തെയും ഏറെ ബഹുമാനത്തോടെ പരിചരിച്ചാണ് ചാച്ച മടങ്ങിയത്.