AI പഠനം കേരളത്തിൽ

വരും കാലങ്ങളിൽ തൊഴിൽ മേഖലയിൽ നിർണായക സ്വാധീനം ചെലുത്താൻ പോകുന്ന മേഖല എ.ഐ തന്നെയാകും. കേരളത്തിലെ എ.ഐ പഠന സാധ്യതകളെക്കുറിച്ച് കൂടുതൽ അറിയാം...

- ഫരീദ എം.ടി State resource person Cg and ac, Directorate of general education

അനന്തസാധ്യതകളുടെ വിഹായസ്സാണ് ആർട്ടി ഫിഷ്യൽ ഇന്റലിജൻസ് (എ.ഐ). വരും കാലങ്ങളിൽ തൊഴിൽ മേഖലയിൽ നിർണായക സ്വാധീനം ചെലുത്താൻ പോകുന്ന മേഖല എ.ഐ തന്നെയാകും. അതു കൊണ്ടുതന്നെ കമ്പ്യൂട്ടറുകളെ ബുദ്ധിപരമാക്കേണ്ടത് വളരെ പ്രധാനമാണ്. വിഷ്വൽ പെർ സപ്ഷൻ, സ്പീച് റെക്കഗ്നിഷൻ, തീരുമാനമെടുക്കൽ, ഭാഷ വിവർത്തനം തുടങ്ങി മനുഷ്യന്റെ ബുദ്ധിയെയും ഇന്ദ്രിയങ്ങളെയും അനുകരിക്കുന്ന കമ്പ്യൂട്ടറുകളുടെ സിദ്ധാന്തവും വികാസവുമാണ് എ.ഐ. മക്കൻസിയുടെ The Economic Potential of Generative AI പഠന പ്രകാരം 2030നും 2050നും ഇടയിൽ 50 ശതമാനം തൊഴിലുകളും ഓട്ടോമേറ്റ് ചെയ്യപ്പെടുമെന്ന് പറയുന്നുണ്ട്. കേരളംപോലെ വിദ്യാഭ്യാസരംഗത്ത് മുന്നിൽ നിൽക്കുന്ന സംസ്ഥാനത്തിന് ഈ വളർച്ചയിൽ നിർണായക പങ്ക് വഹിക്കാനാവുമെന്ന കാര്യത്തിൽ സംശയമില്ല.

അവസരങ്ങൾ നിരവധി

എ.ഐ, മെഷീൻ ലേണിങ് (എം.എൽ), ഡേറ്റാ സയൻസ് തുടങ്ങിയ മേഖലകൾ തൊഴിൽരംഗത്ത് മികച്ച അവസര ങ്ങളാണ് വാഗ്ദാനം ചെയ്യുന്നത്. മനുഷ്യജീവിതത്തിന്റെ സകലമേഖലയിലേക്കും എ.ഐ ക്ക് കടന്നുചെല്ലാനാവുമെന്ന് ഇതിനകം നാം തിരിച്ചറിഞ്ഞതാണ്. സാമ്പത്തികരംഗത്ത് മുതൽ ആരോഗ്യരംഗത്തു വരെ എ.ഐ വിപ്ലവം സൃഷ്ടിച്ചു കൊണ്ടിരിക്കുകയാണ്.

എ.ഐ സാങ്കേതികവിദ്യകൾ പ്രയോഗിക്കപ്പെടുന്ന മേഖലകളിൽ ചിലതാണ് ഓഗ്മെന്റഡ് റിയാലിറ്റി (എ.ആർ), വിർച്വൽ റിയാലിറ്റി (വി.ആർ) തുടങ്ങിയവ. വിനോദം, ഗെയിമിങ്, വിജ്ഞാനം തുടങ്ങിയ മേഖലകളിൽ എ.ആർ/വി.ആർ സംവിധാനങ്ങൾക്ക് ഇടമുണ്ട്. സമീപ ഭാവിയിൽ തന്നെ എ.ആർ.വി.ആർ മേഖല വലിയരീതി യിൽ വികാസം പ്രാപിക്കുമെ ന്നും സ്വീകാര്യത നേടുമെന്നും വിലയിരുത്തപ്പെടുന്നു.