കുറവ് അറിഞ്ഞ് കുട്ടികളെ മിടുക്കരാക്കാം

ഇഷ്ടങ്ങളും ആഗ്രഹങ്ങളും കുറവും പോരായ്മകളും മനസ്സിലാക്കി കുട്ടികളെ മിടുക്കരാക്കാനുള്ള വഴികളിതാ...

- ഡോ. ഷാഹുൽ അമീൻ Psychiatrist, St. Thomas Hospital, Changanassery: Editor, Indian Journal of Psychological Medicine.www.mind.in

കുട്ടികളെ എങ്ങ നെ വളർത്തിക്കൊണ്ടുവരണമെന്ന് ഒരെത്തും പിടിയും കിട്ടുന്നില്ലെന്നാണ് മിക്ക രക്ഷിതാക്കളുടെയും ആവലാതി. കുട്ടികളുടെ വളർച്ചക്കൊപ്പം അവരിൽ ആശങ്കകളും ഏറും. പലപ്പോഴും തെറ്റു ചെയ്യുന്നതു കണ്ടാൽ എങ്ങനെ തിരുത്തണമെന്നുപോലും അറിയാത്ത രക്ഷിതാക്കളുമുണ്ട്. ഇഷ്ടങ്ങളും ആഗ്രഹങ്ങളും കുറവും പോരായ്മകളും മനസ്സിലാക്കി കുട്ടികളെ മിടുക്കരാക്കാനുള്ള വഴികളിതാ...

മിടുക്കിന്റെ ശാസ്ത്രീയവശം

പഠിക്കാനുള്ള ശേഷിയും കലാ വാസനയും പോലുള്ള കഴിവു കൾ തലച്ചോറിൽ അധിഷ്ഠിത മാണ്. ഒരു കുട്ടിയുടെ തലച്ചോ റിന്റെ സവിശേഷതകൾക്ക് പ്രധാന അടിസ്ഥാനം മാതാപിതാക്കളിൽ നിന്നു കിട്ടുന്ന ജീനുകളാണ്. ജീനുകൾക്കു പുറമേ, കുട്ടി വളർന്നു വരുന്ന, താഴെക്കൊടുത്തതുപോലുള്ള സാഹചര്യങ്ങളും പ്രസക്തമാണ്.

ഗർഭപാത്രത്തിലെ അന്തരീക്ഷം

ഭൗതിക സാഹചര്യങ്ങൾ: താമസസൗകര്യം പര്യാപ്തമാണോ, പോഷകാഹാരം ലഭിക്കുന്നുണ്ടോ തുടങ്ങിയവ

സാമൂഹിക സാഹചര്യങ്ങൾ: അയൽപക്കം, കൂട്ടുകെട്ട്, മാധ്യമങ്ങളുടെ സ്വാധീനം തുടങ്ങിയവ.

ഐ.ക്യുവിന്റെ 50-70 ശതമാനം നിർണയിക്കുന്നത് ജീനുകളും ബാക്കി ജീവിതസാഹചര്യങ്ങളുമാണ്. നല്ല ഐ.ക്യുവുണ്ടാകാനുള്ള അടിത്തറ ജനിതകമായി കിട്ടിയവർക്കും അനുയോജ്യ സാഹചര്യങ്ങൾ കൂടി ലഭിച്ചാലേ ആ ഐ.ക്യു പൂർണമായി കൈവരിച്ചെടുക്കാനാകൂ.

അച്ഛനമ്മമാർ കുട്ടിയോട് എത്രത്തോളം സംസാരിക്കുന്നു, വീട്ടിൽ പുസ്തകങ്ങളും പത്രവും കമ്പ്യൂട്ടറുമൊക്കെയുണ്ടോ, മ്യൂസിയം സന്ദർശനങ്ങൾ പോലുള്ള ബൗദ്ധികോത്തേജനം പകരുന്ന അനുഭവങ്ങൾ കുട്ടിക്ക് ലഭിക്കുന്നുണ്ടോ എന്നതൊക്കെ ഐ.ക്യു നിർണയിക്കുന്നതിൽ പങ്കുവഹിക്കുന്നുണ്ട്.

കളികളിലൂടെ കുട്ടിയുടെ മികവ് കൂട്ടാനാകുമോ?

'നിയമങ്ങൾ' എന്ന ആശയം മനസ്സിലാവാനും അവ പാലിച്ചു പരിശീലിക്കാനും കളികൾ അവസരമൊരുക്കും. ജയപരാജയങ്ങളെ ഉചിതമാംവണ്ണം ഉൾക്കൊള്ളാനുള്ള പ്രാപ്തി നൽകാനും നിരന്തരം ശ്രമിച്ചാൽ കാര്യങ്ങൾ കൂടുതൽ നന്നായിച്ചെയ്യാനാവുമെന്ന തിരിച്ചറിവു വളർത്താനുമൊക്കെ കളികൾക്ക് സാധിക്കും. കൂട്ടാനും കുറക്കാനുമൊക്കെ അവസരമൊരുക്കുന്ന ഗെയിമുകൾ സ്കൂളിലെ കണക്കുകളും എളുപ്പമാക്കും.

ചെസ് പോലുള്ള കളികൾ കാര്യങ്ങളെ നന്നായി ആസൂത്രണം ചെയ്യാനും വ്യത്യസ്ത നടപടികളുടെ പരിണിത ഫലങ്ങൾ ഊഹിച്ചെടുക്കാനും അനുഭവങ്ങളിൽ നിന്ന് പാഠം പഠിക്കാനുമൊക്കെയുള്ള കഴിവുകളെ പുഷ്ടിപ്പെടുത്തും.