നന്ദി, വീണ്ടും പറയുക

നന്ദി പ്രകാശിപിക്കുന്നതിലൂടെ അതു നൽകുന്ന വ്യക്തിയും സ്വീകരിക്കുന്ന വ്യക്തിയും പോസിറ്റിവായ മാനസികാവസ്ഥയിലൂടെ കടന്നുപോകുന്നു. മാനസികാരോഗ്യം നിലനിർത്തുന്നതിൽ 'നന്ദി’ അഥവാ ‘കൃതജ്ഞത' വഹിക്കുന്ന റോളുകളിലേക്ക്...

- ഡോ. ഉമർ ഫാറൂഖ് എസ്.എൽ.പി Consultant Psychologist and Psychotherapist Madhavrao Scindia Hospital. Kannur

ഒരു വ്യക്തിക്ക് തന്റെ ഇഷ്ടവും സന്തോഷവും കടപ്പാടുമെല്ലാം പ്രകടിപ്പിക്കാൻ കഴിയുന്ന ഒരു മാനസികാവസ്ഥയാണ് 'നന്ദി' അഥവാ 'കൃതജ്ഞത എന്ന വികാരം. അത് ഈശ്വരനോടോ മറ്റൊരു വ്യക്തിയോടോ സ്ഥാപനത്തോടോ സംഘടനയോടോ ഒരുപക്ഷേ, ലോകത്തിലെ മറ്റെന്തിനോടും ആകാം.

നന്ദി പ്രകാശിപ്പിക്കുന്നതിലൂടെ അതു നൽകുന്ന വ്യക് തിയും സ്വീകരിക്കുന്ന വ്യക്തിയും പോസിറ്റിവായ മാനസികാവസ്ഥയിലൂടെ കടന്നുപോകുന്നു എന്നതാണ് ഈ വികാരത്തിന്റെ ഏറ്റവും വലിയ സവിശേഷത.

മാനസികാരോഗ്യ പ്രശ്നങ്ങൾ നേരിടുന്നവരിൽപോലും നന്ദി എന്ന വികാരം പ്രകടിപ്പിക്കാൻ പരിശീലിപ്പിക്കുകയാണെങ്കിൽ കാലക്രമേണ അവരിൽ അത് സന്തോഷം വർധിപ്പിക്കുകയും ശാരീരികവും മാനസികവുമായ ആരോഗ്യം വളർത്തുകയും ചെയ്യുന്നുവെന്ന് ഇതുസംബന്ധിച്ച പഠനങ്ങൾ കണ്ടെത്തിയിട്ടുണ്ട്.

അഭിനന്ദന സമാന വികാരം

കൃതജ്ഞത ഒരു അവസ്ഥയും സ്വഭാവവുമാണെന്നും സന്തോ ഷപ്രദമായ സംഭവവികാസത്തിനോ നേട്ടത്തിനോ ഉള്ള പ്രതികരണമാണെന്നും അതിന് കാരണക്കാരായവരോട് പ്രകടിപ്പിക്കുന്ന സന്തോഷവും ഇഷ്ടവും കലർന്ന ഒരു വികാരമാണെന്നും അമേരിക്കൻ സൈക്കളോജിക്കൽ അസോസിയേഷൻ നൽകുന്ന നിർവചനത്തിമുണ്ട്.