એંસીમાંથી હવા તો ઠંડી આવે છે ને?

આકરા તડકાના દિવસો આવી રહ્યા છે એટલે ઘરને ગરમીના મુકાબલા માટે સજ્જ કરો.

- વિશ્વા મોડાસિયા

ઉનાળાની સીઝન ટૂંક સમયમાં શરૂ થવાની છે. આમ તો આ વખતે ઘણે ઠેકાણે શિયાળો જામ્યો જ નહીં અને ફેબ્રુઆરી-માર્ચમાં પણ ગરમીના તબક્કા આવતા રહ્યા. એ પરથી લાગે છે કે આ વખતનો ઉનાળો બહુ આકરો હશે. સ્વાભાવિક છે કે એને કારણે ઍર કન્ડિશનરની ડિમાન્ડ વધી જશે. ઘરમાં ઍર કન્ડિશનર (એસી) હોય તો પણ ઉનાળા દરમિયાન એ બરાબર ચાલે કે નહીં એ જોવું જરૂરી છે.

એસી નવું લીધું હોય તો સામાન્ય રીતે કંપની જ એક કે ત્રણ વર્ષની મેઈન્ટેનન્સ સર્વિસ આપે છે, જે અંતર્ગત કંપનીનો સ્ટાફ જ અમુક નિર્ધારિત સમયે આવીને એસીનું સર્વિસિંગ કરી જાય. એ પછી તમે કોઈ લોકલ કંપની કે આવી ચીજ રિપેર કરી આપતા મિકેનિક સાથે ઍન્યુઅલ મેઈન્ટેનન્સ કૉન્ટ્રાક્ટ (એએમસી) કરી શકો છો, જેથી દર ત્રણ-ચાર મહિને એસીની મરામત થતી રહે.ચાલો, આ આકરો ઉનાળો માથે છે ત્યારે ચાલો, આ વખતે વાત એસીની મેઈન્ટેનન્સ સર્વિસ વિશે જ કરીએ અને જાણીએ એ માટે કેટલીક ધ્યાનમાં રાખવા જેવી બાબત...