લાપતા લેડીઝઃ સંબંધોનાં સાચાં સરનામાં

‘લાપતા લેડીઝ’ની સફળતામાંથી એ પણ સમજવા જેવું છે કે એક સમયે પતિ-પત્ની રહી ચૂકેલા એવા એના નિર્માતા અને નિર્દેશક કેટલી સારી રીતે વ્યાવસાયિક સહયોગી બની શકે છે. ૧૫ વર્ષના ઉતાર-ચઢાવવાળા લગ્નજીવનમાંથી અલગ થઈને બન્નેએ એમની સર્જનાત્મક હિસ્સેદારીને અને દોસ્તીને અકબંધ રાખી છે.

- રાજ ગોસ્વામી

૫ડોશની ખુશી...

એક ગામમાં બે પરિવાર નજીકમાં રહેતા હતા. એક પરિવારમાં સતત ઝઘડા થતા હતા અને બીજો પરિવાર શાંતિથી અને મૈત્રીપૂર્ણ રીતે રહેતો હતો.

એક દિવસ, પડોશી પરિવારની ખુશીથી ઈર્ષ્યા અનુભવતી પત્નીએ એના પતિને કહ્યું: ‘જાવને પડોશીને ત્યાં અને જોઈ આવોને કે બન્ને જણા આટલી સરસ રીતે કેવી રીતે રહે છે.’

પતિ બાજુના ઘરમાં જઈને છુપાઈ ગયો અને બધું જોવા લાગ્યો. ઘરની સ્ત્રી ઓરડામાં પોતું મારી રહી હતી. અચાનક રસોડામાંથી કૂકરનો અવાજ આવ્યો. એ રસોડામાં દોડી ગઈ. બરાબર એ જ વખતે એનો પતિ અંદર આવ્યો. ફર્શ પર પાણી હતું તે એને ન દેખાયું અને એ લપસ્યો.

પત્ની દોડતી રસોડામાંથી આવી અને પતિને ફર્શ પર પડેલો જોઈને રડવા લાગીઃ ‘હે, ભગવાન! આ શું થયું? હુંય કેવી ભુલકણી કે ભીની ફર્શ છોડીને અંદર જતી રહી.’ નથી.

પતિએ એને છાની રાખવા પ્રયાસ કર્યો અને એને બાથમાં લેતાં કહ્યું: ‘ના, ના, તારો જરાય તો મારી જ હતી કે હું ઊંચી નજરે અંદર આવ્યો હતો. મારે નીચે જોવું જોઈતું હતું.'

પેલો માણસ ઘરે પાછો આવ્યો, જ્યાં પત્નીએ પૂછ્યું: ‘શું જોઈ આવ્યા? બન્ને આટલાં સુખી કેમ છે? આપણા ઘરમાં શું ખૂટે છે?’

પતિએ કહ્યું: ‘આપણામાં અને એમના ઘરમાં ફરક એ છે કે આપણે દરેક વાતમાં એકબીજાનો દોષ કાઢીએ છીએ, જ્યારે એ લોકો બીજાનો દોષ પોતાના માથે લે છે.’

***

અગાઉ થિયેટરમાં અને હવે નેટફ્લિક્સ પર આવેલી લાપતા લેડીઝ ફિલ્મે દર્શકોને લલચાવવાનું ચાલુ રાખ્યું છે. ફિલ્મની વાર્તા ફૂલ કુમારી અને એના પતિ દીપક કુમારની આસપાસ ફરે છે. ફૂલ અને દીપક લગ્ન કર્યાં એ જ દિવસે ટ્રેનમાં અલગ થઈ જાય છે અને જયા નામની બીજી એક નવોઢા દીપકની સાથે એના ઘરે પહોંચે છે. ફૂલને વિશ્વાસ છે કે એના પતિએ એની સાથે છેતરપિંડી નથી કરી અને એક દિવસ એ એને જરૂર શોધતો આવશે. એ આશામાં સ્ટેશન પર દિવસો પસાર કરે છે.

જયા માટે દીપકનું ઘર સુખદ અકસ્માત સાબિત થાય છે. એને લગ્ન કરવાં નહોતાં, વધુ અભ્યાસ કરવો હતો, પણ માતાએ એને બળજબરીથી કો'કના ગળે વળગાળી દીધી હતી. ટ્રેનમાં ગડબડ થઈ અને જયા દીપક ભેગી થઈ ગઈ, એમાં એનું અણગમતાં લગ્નનું દુઃસ્વપ્ન તૂટ્યું અને દીપકના ઘરમાં એ સમ્માનની હકદાર બની.