நஷ்டம்... ஆனாலும் இஷ்டம்!

நான் தயாரிப்பாளர் ஆனதே.... எதிர்பாராமல் நடந்ததுதான். என் னைப் படம் தயாரிக்கச் சொல்லி ஊக்கமும், உதவியும் செய்ததே ஏவி.எம்.மெய்யப்பன் அப்பச்சிதான்.

எனது படத்தை உருவாக்கும் யூனிட்டினர் பெயர்களை எழுதும் போதே, என் இனிய நண்பர் எஸ்.பி.முத்துராமன்தான் இயக்க வேண்டும் என விரும்பி அவ ருடைய பெயரையும் எழுதி அப்பச்சியிடம் கொடுத்தேன். லிஸ்ட்டைப் பார்த்தவர் எஸ்பி.முத்து ராமன் பெயரை அடித்துவிட்டு, "வேற டைரக்டர் பேர் சொல்லுங்க" என்றார். நான் நொடிப்பொழுதும் தாமதிக்காமல் 'புட்டண்ணா கனஹல்' என்றேன். திகைப்பும், வியப்புமாய் என் முகத்தைப் பார்த்த அப்பச்சி, "அவரைத் தெரியுமா?" என்று கேட்டார்.

"பழக்கமில்லை, ஆனா அவரோட எல்லா கன்னடப் படங்களையும் பார்த்திருக்கிறேன்"

புட்டண்ணாவை வைத்து தமிழில் படம்பண்ண விரும்பியிருக்கிறார் அப்பச்சி.