இறப்புக்கு முன் ஈ.வி.கே.எஸ்.இளங்கோவன் அனுப்பிய ஆடியோ! உருகிய நீ.மு.க. தலைமை!

"ஹலோ தலைவரே, அம்பேத்கர் மீதான விமர்சனத்தால், நாடாளுமன்றத்தையே நடத்த முடியாத நிலைக்கு பா.ஜ.க. அரசு ஆளாகியிருக்கிறது.”

Here is the corrected version with proper word spacing:

“ஆமாம்பா, அமளியை சமாளிக்க முடியாமல் நாடாளுமன்றத்தின் இரு அவைகளையும் தேதி குறிப்பிடாமல் ஒத்திவைத்திருக்கிறார்களே?”

“ஆமாங்க தலைவரே, அம்பேத்கரை பற்றி உள்துறை அமைச்சர் அமித்ஷா வைத்த விமர்சனம், இந்தியாவையே கொந்தளிக்க வைத்திருக்கிறது. அம்பேத்கர் மீது கைவைத்தால் என்ன ஆகும் என்பதை பா.ஜ.க. தரப்பு, இப்போது உணர்ந்து அதிர்ந்துபோய் நிற்கிறது. இந்த விவகாரத்திற்கு முன்பாக 'ஒரே நாடு ஒரே தேர்தல்' சட்ட மசோதாவை, நாடாளுமன்றத்தில் பா.ஜ.க. தாக்கல் செய்த நிலையில், அது தொடர்பாக எழுந்த விவாதத்தில் பேசிய தி.மு.க. எம்.பி.யான டி.ஆர். பாலு, அந்த மசோதாவை நாடாளுமன்றக் கூட்டுக்குழுவிற்கு அனுப்ப வேண்டும் என்றார். உடனே அது ஏற்றுக்கொள்ளப்பட்டது. காரணம், இந்த மசோதாவை இப்படி கூட்டுக்குழுவுக்கு அனுப்பவேண்டும் என்பதுதான் மோடி, அமித்ஷா ஆகியோரின் திட்டம்.

அதற்கேற்ப பாலுவின் வாய்ஸ் இருந்ததால், பா.ஜ.க. தரப்பு மகிழ்ச்சி யடைந்தது. ஆனால் கனிமொழி உள்ளிட்ட தி.மு.க. எம்.பி.க்களும் காங்கிரஸ் உள்ளிட்ட எதிர்க்கட்சியைச் சேர்ந்த உறுப்பினர்களும், இந்த சட்ட மசோதாவைத் திரும்பப் பெறவேண்டும் என்று ஆக்ரோஷமாகக் குரல் கொடுத்தனர். மேலும், கட்சித் தலைமை அறிவுறுத்தியதற்கு மாறாக, கூட்டுக்குழுவுக்கு அனுப்பும்படி ஏன் பேசினீர்கள் என்று, டி.ஆர். பாலுவிடமே தி.மு.க. எம்.பி.க்கள் சிலர் அதிருப்தியைத் தெரிவித்தனர். இது குறித்து தமிழக முதல்வர் ஸ்டாலின் கவனத்துக்கும் இது எடுத்துச்செல்லப்பட்டிருக்கிறது.”

"சரிப்பா, டெல்லி களேபரங்கள் இருக்கட்டும். இறப்பதற்கு முன் தமிழக முதல்வருக்கு ஈ.வி.கே.எஸ். இளங்கோவன் பேசிக் கொடுத்திருக்கும் ஆடியோ கேசட் பரபரப்பை ஏற்படுத்தி வருகிறதே?”