பூந்தமல்லி வரை இருப்பதை நீட்டித்து மெட்ரோ ரயில் சேவை திருவள்ளூர் வரை வேண்டும்

சட்டமன்ற பேரவை கூட்டத்தில் திருவள்ளூர் எம். எல். ஏ. வி. ஜி. ராஜேந்திரன் பேசியதாவது:

- 

திருவள்ளூர் நகராட்சியில் ரூ.33 கோடி மதிப்பீட்டில் புதிய பேருந்து நிலையம் கட்டப்பட்டு வருகிறது. திருவள்ளூர் தொகுதிக்குட்பட்ட கீழச்சேரியில் காலை உணவு திட்டத்தை அரசு உதவிபெறும் பள்ளிகளில் முதல்வர் தொடங்கி வைத்தது மிகப் பெரிய சாதனையாகும். பூண்டி ஒன்றியம், நெமிலி அகரம் ஊராட்சியில் ரூ.13 கோடியில் கொசஸ் தலை ஆற்றின் குறுக்கே பாலம் ஒன்று தற்போது கட்டப்பட்டு வருகிறது. கடம்பத்தூர் ஒன்றியம், மப்பேடு ஊராட்சியில் ரூ.1,200 கோடியில் உலர் துறைமுகப் பணிகள் தொடங்கப்பட்டிருக்கிறது.