அமித்ஷாவை கண்டித்து தமிழகம் முழுவதும் தி.மு.க.வினர் ஆர்ப்பாட்டம்!

அம்பேத்கரை இழிவாகப் பேசிவிட்டதாகக் கூறி மத்திய உள்துறை அமைச்சர் அமித்ஷாவை கண்டித்து தமிழ்நாடு முழுவதும் இன்று தி.மு.க.வினர் ஆர்ப்பாட்டம் செய்தார்கள்.

பாராளுமன்ற கூட்டத் தொடரின்போது மாநிலங்களவையில் ஒன்றிய உள்துறை அமைச்சர் அமித்ஷா பேசுகையில், 'அம்பேத்கர்.. அம்பேத்கர்.. அம்பேத்கர்' என முழக்கமிடுவது இப்போது 'பேஷன்' ஆகிவிடத்து.

இதற்கு பதிலாக கடவுளின் பெயரை இவ்வளவு முறை உச்சரித்திருந்தால், சொர்க்கத்திலாவது அவர்களுக்கு இடம் கிடைத்திருக்கும் என்று பேசினார். இந்த கருத்துக்கு அனைத்துத் தரப்பினரும் கண்டனம் தெரிவித்து வருகின்றனர்.