હર ઘર તિરંગાઃ અમદાવાદ શહેરમાં રૂ. છ કરોડના ખર્ચે ૧૧ લાખ રાષ્ટ્રધ્વજ લહેરાશે

મ્યુનિસિપલ તંત્ર દ્વારા રૂ. ત્રણ-ત્રણ કરોડના ખર્ચે ઝંડા અને કાઠી ખરીદાશે: તા. ૧૧થી ૧૭ ઓગસ્ટ દરમિયાન સ્વતંત્રતા સપ્તાહ ઊજવાશે

અમદાવાદ, ગુરુવાર

દેશની આઝાદીનાં ૭૫મા વર્ષમાં માટે રાષ્ટ્રનિર્માણની પ્રતિબદ્ધતા રાષ્ટ્રધ્વજ એ રાષ્ટ્ર ગૌરવનું પ્રતીક છે. આવો રાષ્ટ્રધ્વજ એટલે કે 'તિરંગો' ઘરે ઘરે લહેરાવવાના ઉદ્દેશથી 'આઝાદી કા અમૃત મહોત્સવ' હેઠળ 'હર ઘર તિરંગા'ની જાહેરાત કરાઈ છે. મ્યુનિ. તંત્ર દ્વારા અમદાવાદમાં ૧૧ લાખ ઝંડા લહેરાવાશે. આ માટે કુલ રૂ. છ કરોડ ખર્ચાશે.