અમદાવાદીઓ આનંદો: કોરોનાકાળમાં બંધ થયેલી ૧૧ લોકલ ટ્રેન ફરી દોડશે

મુસાફરો માટે પશ્ચિમ રેલવેનું મહત્ત્વપૂર્ણ પગલુંઃ ટ્રેનમાં મુસાફરોની સંખ્યામાં પણ વધારો થાય તેવી શક્યતા

અમદાવાદ, મંગળવાર

લોકલ ટ્રેનમાં અપડાઉન કરતા અમદાવાદના મુસાફરો માટે રાહતના સમાચાર સામે આવ્યા છે. કોરોનાને કારણે બંધ કરવામાં આવેલી લોકલ મેમુ ડેમુ ટ્રેન ફરીથી પાટા પર દોડવાની તૈયારીઓ કરી રહી છે. પશ્ચિમ રેલવે વિભાગે ૧૧ મેમુ- ડેમુ ટ્રેનને ફરીથી ચાલુ કરવાનો નિર્ણય લેતાં મુસાફરોમાં ખુશીના સમાચાર સાબિત થયા છે. કોરોના બાદ અમદાવાદ બહાર નોકરી કરવા જતા લોકો અથવા બહારગામથી અમદાવાદ નોકરી કરવા આવતા લોકો માટે અવરજવર કરવી મુશ્કેલ બની હતી.