૪૧ દિવસ બાદ મહારાષ્ટ્રમાં શિંદે સરકારની પ્રથમ કેબિનેટનું વિસ્તરણઃ ૧૮ પ્રધાનોના શપથ

કેબિનેટ વિસ્તરણમાં શિંદે જૂથના નવ અને ભાજપના નવ પ્રધાનોને સ્થાન

મુંબઈ, મંગળવાર

આખરે મહારાષ્ટ્રની એકનાથ શિંદે સરકારનું ૪૧ દિવસ બાદ પ્રથમ કેબિનેટનું વિસ્તરણ કરવામાં આવ્યું છે. આ કેબિનેટ વિસ્તરણમાં એકનાથ શિંદે જૂથના નવ ધારાસભ્યો અને એટલી જ સંખ્યામાં એટલે કે ભાજપના નવ ધારાસભ્યોને સ્થાન આપવામાં આવ્યું છે. આજે મહારાષ્ટ્રમાં રાજભવન ખાતે યોજાયેલા એક સમારોહમાં રાજ્યપાલ ભગતસિંહ કોશિયારીએ નવા ૧૮ પ્રધાનોને હોદ્દા અને ગુપ્તતાના શપથગ્રહણ કરાવ્યા હતા. આ પ્રસંગે રાજભવનમાં મુખ્યપ્રધાન એકનાથ શિંદે અને નાયબ મુખ્યપ્રધાન દેવેન્દ્ર ફડણવીસ પણ ઉપસ્થિત રહ્યા હતા.