પિતાને એટેક આવતાં હત્યારો પુત્ર મળવા આવ્યોઃ પોલીસે ઘરમાં ઘૂસી દબોચી લીધો

તેલંગાણામાં પોલીસે મૂકબધીર બની ત્રણ દિવસમાં ઓપરેશન પાર પાડ્યું

અમદાવાદ, શુક્રવાર

સેન્ટ્રલ આઇબીના અધિકારીએ પોતાની પત્નીની હત્યા કરવા માટે તેલંગાણાના યુવકને ૧૫ હજાર રૂપિયાની સોપારી આપીને જેલના સળિયા પાછળ ધકેલી દીધો છે. યુવકને પકડવા માટે પોલીસે મૂક-બધીર બનાવાની એક્ટિંગ ત્રણ દિવસ સુધી કરવી પડી હતી અને બાદમાં ઓપરેશન પાર પાડ્યું હતું. પોલીસ પકડી જશે તેવા ડરથી યુવક નાસતો ફરતો હતો ત્યારે તેના પિતાને એટેક આવ્યો હતો. બહેને પિતાની તબિયત ખરાબ થઇ હોવાની માહિતી યુવકને આપતાં તે તરત જ પોતાના ઘરે દોડી આવ્યો હતો. જ્યાં પોલીસે તકનો લાભ લઇને તેને દબોચી લીધો હતો. જો યુવકના પિતાને એટેક ન આવ્યો હોત તો કદાચ આજે પણ પોલીસ તેની વોચ કરતી હોત.