કાલે સુપર સન્ડેઃ પાક.ને પાંચમી વાર હરાવવા મેદાનમાં ઊતરશે ટીમ ઇન્ડિયા

એશિયા કપ-૨૦૨૨ની ટોચની ચાર ટીમ એકબીજા સામે કુલ છ મેચ રમશે

દુબઈ, શનિવારઃ

એશિયા કપ-૨૦૨૨ની લીગ મેચો પૂરી થઈ ગઈ છે અને હવે ટ્રોફી માટે ચાર ટીમ એકબીજા સામે ટકરાશે. આ ચાર ટીમ છે ભારત, પાકિસ્તાન, અફઘાનિસ્તાન અને શ્રીલંકા. આજે સાંજે ૭.૩૦ વાગ્યે એશિયા કપમાં સુપર-ફોરની પ્રથમ મેચ શારજાહમાં શ્રીલંકા અને અફઘાનિસ્તાન વચ્ચે ૨માશે. આવતીકાલે ક્રિકેટ ચાહકો માટે સુપર સન્ડે બની રહેશે. ભારત-પાકિસ્તાનના રસ્તાઓ પર જનતા કરફ્યુ લાગી જશે, કારણ કે સુપરફોરની બીજી મેચમાં એશિયાના બે કટ્ટર હરીફ ભારત-પાકિસ્તાન એકબીજા સામે દુબઈમાં ટકરાશે.