મેઘરાજા મંડાણા અપારઃ સૌરાષ્ટ્ર, દક્ષિણ અને મધ્ય ગુજરાતમાં વરસાદી માહોલ

વરસાદના કારણે ગરબા આયોજકો અને ખેલૈયાઓ ચિંતામાં મુકાયાઃ અનેક સ્થળોએ પાણી ભરાયાં

અમદાવાદ, મંગળવાર 

રાજ્યમાં ચોમાસાની વિદાયની ઘડીઓ ગણાઈ રહી છે ત્યારે ઋતુમાં અણધાર્યા ફેરફારો નોંધાઈ રહ્યા છે. છેલ્લા એક સપ્તાહથી વાતાવરણમાં આકરા તાપ સાથે અસહ્ય બફારો અનુભવાઈ રહ્યો હતો. આ વચ્ચે ફરી એક વાર વરસાદી માહોલ સર્જાયો છે.

કોરાનાકાળનાં બે વર્ષ બાદ રાજ્યભરમાં મોટા પાયે ગરબાનું આયોજન કરવામાં આવ્યું છે. ગઈ કાલથી નવરાત્રિ શરૂ થઈ છે ત્યારે જ ફરી વરસાદી માહોલ જામ્યો છે. રાજ્યનાં અનેક સ્થળે સામાન્યથી લઈને ભારે વરસાદ વરસ્યો છે.