માવઠા બાદ રોગચાળો વકર્યોઃ દવાખાનાંમાં શરદી-તાવથી પીડાતા દર્દીઓની લાંબી કતારો

મેઘરાજાની એન્ટ્રીના પગલે જ ભેજવાળાં વાતાવરણમાં ઠેર ઠેર બીમારીનાં ઘર

અમદાવાદ, મંગળવાર

શહેરમાં કડકડતી ઠંડી ધુમ્મસ અને ભેજવાળાં વાતાવરણ વચ્ચે રોગચાળો વકર્યો છે. શહેરમાં છેલ્લા બે સપ્તાહમાં તાવશરદી અને ઉધરસના હજારો દર્દી નોંધાયા છે. ખાનગી દવાખાનાંમાં પણ દર્દીઓની લાંબી કતારો જોવા મળી રહી છે. મિશ્ર ઋતુ અને ઠંડીના કારણે લોકોની રોગપ્રતિકારક શક્તિમાં ઘટાડો થવાની સંભાવના છે. શીત લહેરને કારણે શરદી-ઉધરસ અને તાવની સાથે સાથે ઝાડા ઊલટીનું પ્રમાણ પણ વધ્યું છે.