TMC નેતા મુકુલ રોયે હવે અમિત શાહને મળવાની ઈચ્છા વ્યક્ત કરી

સોમવારે જ્યારે મુકુલ રોય દિલ્હીની યાત્રા પર હતા ત્યારે તેમના દીકરા શુભ્રાંશુએ દાવો કર્યો હતો કે તેના પિતા લાપતા છે

નવી દિલ્હી, બુધવાર

તૃણમૂલ કોંગ્રેસના વરિષ્ઠ નેતાએ મંગળવારે રાતે ખળભળાટ મચાવી દીધો હતો. એક મુલાકાતમાં તેમણે કહ્યું હતું કે તે હજુ પણ ભાજપના ધારાસભ્ય છે. તે ભાજપની સાથે જ રહેવા માગે છે અને ગૃહપ્રધાન અમિત શાહ અને જે પી નડ્ડાની સાથે પણ મુલાકાત કરવા ઈચ્છે છે. તેઓ કોઈ અંગત કારણોસર દિલ્હી ગયા હતા અને ત્યાં તેમણે આ વાત કહી હતી. તેમણે એમ પણ કહ્યું હતું કે પાર્ટીએ જ તેમના રહેવાની વ્યવસ્થા કરી છે.