થર્ડ જેન્ડરઃ તેમની મરજીમાં બીજાનો વિરોધ કેમ?

થર્ડ જેન્ડર અનેક રૂપમાં સામે આવે છે. વ્યક્તિ મોટી થાય તેમ તેને લગ્નના પ્રસ્તાવ આવવા લાગે છે. જો તે સામાન્ય સ્ત્રી-પુરુષ હોય તો સામાન્ય રીતે કોઇ સમસ્યા આવતી નથી. તે પરિવારની સહમતીથી હોય કે પ્રેમલગ્ન

વિષય બહુ સેન્સિટિવ છે, પરંતુ સમજમાં આવવું અને તેના પર ચર્ચા કરવી પણ જરૂરી છે. જન્મ સમયે ડોક્ટર, નર્સ, દાયણ કે જેણે પણ પ્રસવ કરાવ્યો હોય તેના દ્વારા નવજાત શિશુનું જાતિ નિર્ધારણ જીવનભર માન્ય રહે છે અર્થાત્ છોકરો, છોકરી કે થર્ડ જેન્ડર.

સ્ત્રી-પુરુષને જન્મથી જ તમામ કાયદાકીય, બંધારણીય, સામાજિક અને પારિવારિક હકો મળી જાય છે, પરંતુ એક લાંબી લડાઇ બાદ થર્ડ જેન્ડરને પણ તેને પાત્ર માની લેવાયા છે, ભલે તે સીમિત કેમ ન હોય. સવાલ એ છે કે શું તેમને સામાન્ય જીવન છે જીવવાનો અધિકાર છે? ઘણા આધુનિક અને સમૃદ્ધ કહેવાતા દેશોએ તેને માન્યતા આપી છે, પરંતુ ભારત હજુ પણ આ અંગે વિચારે છે. મુદ્દો કોર્ટથી લઇને સંસદ સુધી ઊછળ્યો છે, પરંતુ હજુ લટક્યો છે.