ઈમરાન સમર્થકોની માર્ચ હિંસક બની ઈસ્લામાબાદમાં ચાર રેન્જર્સને કચડ્યા

બે પોલીસ અધિકારીઓનાં મોત બાદ શૂટ એન્ડ સાઈટના ઓર્ડર જારી

પાકિસ્તાનમાં સ્થિતિ વણસી રહી છે. પૂર્વ વડા પ્રધાન ઈમરાન ખાનની મુક્તિની માગને લઈ સેંકડો સમર્થકો ઈસ્લામાબાદમાં પ્રવેશ્યા છે. ઈમરાનના સમર્થકોએ શ્રીનગર હાઈવે પર રેન્જર્સને ગાડીઓથી કચડી નાખ્યા હતા, જેમાં ચાર પેરાટ્રપર્સનાં મોત થયાં હતાં. રિપોર્ટ અનુસાર અત્યાર સુધીમાં · આવા હુમલામાં ચાર રેન્જર્સ અને બે પોલીસ અધિકારીઓએ જીવ ગુમાવ્યો છે, જ્યારે ૧૦૦થી વધુ પોલીસકર્મીઓ ઘાયલ થયા છે. કલમ-૨૪૫ હેઠળ પાકિસ્તાની સેનાને બોલાવવામાં આવી છે અને અશાંતિ તથા આતંકવાદીઓ સામે કડક કાર્યવાહી કરવા માટે આદેશ આપવામાં આવ્યો છે. આ ઉપરાંત શૂટ એટ સાઈટનો આદેશ પણ જારી કરવામાં આવ્યો છે.