அமித்ஷாவை சந்தித்து அதிமுக கூட்டணி பற்றி பழனிசாமி பேச்சு

உள்துறை அமைச்சர் அமித்ஷாவை டெல்லியில் அதிமுக பொதுச் செயலாளர் எடப்பாடி பழனிசாமி செவ்வாய்க்கிழமை (மார்ச் 25) சந்தித்ததை அடுத்து, சட்டமன்றத் தேர்தலில் அதிமுக-பாஜக கூட்டணி தொடர்பாக பேசப்பட்டதாகக் கூறப்பட்டது.

- 

அதன் தொடர்ச்சியாக மத்திய அமைச்சர் அமித்ஷா வெளியிட்ட எக்ஸ் பதிவில் "2026ல் தேசிய ஜனநாயகக் கூட்டணி அமையும்" என்று சூசகமாகத் தெரிவித்திருந்தார்.

ஆனால், "கூட்டணி குறித்துப் பேசவில்லை" என்று புதன்கிழமை (மார்ச் 26) காலை விமான நிலையத்தில் செய்தியாளர் சந்திப்பில் எடப்பாடி பழனிசாமி தெரிவித்துள்ளார்.

"மக்கள் பிரச்சினை, நிதி ஒதுக்கீடு ஆகியவற்றுக்காக மட்டுமே மத்திய அமைச்சர் அமித்ஷாவை சந்தித்து மனு கொடுத்தோம். அதிமுகவைப் பொறுத்தவரை திமுகவை வீழ்த்துவது ஒன்றுதான் குறிக்கோள். திமுக ஆட்சியை வீழ்த்துவதற்காக அதிமுக எல்லா முயற்சிகளும் எடுக்கும். தேர்தல் நேரத்தில் அமையும் சூழலைப் பொறுத்துதான் கூட்டணி குறித்து முடிவு எடுப்போம்," என்றார்.