അകത്തളത്തിലെ കൺമണി

വീടിനകം പച്ചപ്പിൽ പൊതിയാൻ മണി പ്ലാൻറ് വളർത്താം. പല രാജ്യക്കാർക്കും ഈ ചെടി ഒരു ലക്കി പ്ലാൻറ് കൂടിയാണ്

- ജേക്കബ് വർഗീസ് കുറ റിട്ട. പ്രൊഫസർ, കൊച്ചി

വീടിനുള്ളിലെ പരിമിതമായ അന്തരീക്ഷത്തിൽ വളർത്താൻ യോജിച്ച ചെടികളിൽ എല്ലാവർക്കും പ്രിയപ്പെട്ടതാണ് മണിപ്ലാന്റ് അഥവാ സിൻഡാപ്സസ്  അധിക ശ്രദ്ധയൊന്നും നൽകിയില്ലെങ്കിലും പോത്തോസ് എന്നും അറിയപ്പെടുന്ന ഈ ചെടി ഭംഗിയോടെ, ആരോഗ്യത്തോടെ വളരും.

വീടിനുള്ളിലെ മലിനവായു ശുദ്ധീകരിക്കാൻ കഴിവുള്ള ചെടിയിനങ്ങളിൽ പ്രധാനിയാണ് മണി പ്ലാന്റ്. പല രാജ്യക്കാർക്കും മണി പ്ലാന്റ് ഒരു ലക്കി പ്ലാന്റ് കൂടിയാണ്. ഈ ചെടിയുടെ പേരിലുള്ള "മണി സമ്പത്തിനെയാണ് സൂചിപ്പിക്കുന്നതെന്ന് ചൈന ഉൾപ്പെടെ പല ദേശക്കാരും വിശ്വസിക്കുന്നു.