ഇവിടം പൂക്കളുടെ ഇടം

സ്നേഹം സമ്മാനിച്ച ക്യാമ്പസ്ദിനങ്ങൾ, നിലപാടുകളിലേക്ക് വഴിനടത്തിയ രാഷ്ട്രീയ ബോധം, ഭയപ്പെടുത്തിയ രോഗകാലം... ഒന്നിച്ചു പങ്കിട്ട ഓർമകളിലൂടെ എ.എ. റഹീമും അമൃതയുംw

- അക്ഷര അർജുൻ

കലാലയങ്ങളിൽ രാഷ്ട്രീയം കൊടുമ്പിരിക്കൊണ്ട കാലം. നിലമേൽ എൻ.എസ്.എസ് കോളേജിൽ അത് സംഘർഷ ദിവസമായിരുന്നു. രാഷ്ട്രീയ പ്രതിയോഗികൾ എസ്.എഫ്.ഐ നേതാവിനെ അധ്യാപികയുടെയും വിദ്യാർഥികളുടെയും മുൻപിലിട്ട് മർദിച്ചു. പൊതിരെ തല്ലുകൊള്ളുമ്പോഴും മുഷ്ടിയുയർത്തി മുദ്രാവാക്യം വിളിച്ചുകൊണ്ടിരുന്ന നേതാവിനെ ആരാധനയോടെയാണ് ആ പ്രീഡിഗ്രിക്കാരൻ പയ്യൻ നോക്കി നിന്നത്. ആ കാഴ്ച അവന്റെ മനസ്സിൽ എസ്.എഫ്.ഐ യോടുള്ള ആഭിമുഖ്യത്തിന് അടിത്തറപാകി. തൊട്ടടുത്ത വർഷം ക്യാമ്പസിന് പിന്നിലെ തണൽ മരച്ചുവട്ടിൽ വെച്ച് അവൻ എസ്. എഫ്.ഐ അംഗത്വം സ്വീകരിച്ചു. അങ്ങനെ തുടങ്ങിയതാണ് എ. എ. റഹീമിന്റെ രാഷ്ട്രീയ യാത്ര.

2011-ൽ വർക്കലയിൽനിന്ന് നിയമസഭയിലേക്ക് മത്സരിക്കുമ്പോൾ ഏറ്റവും പ്രായംകുറഞ്ഞ എൽ.ഡി.എ ഫ് സ്ഥാനാർഥി കൂടിയായിരുന്നു എ.എ. റഹീം. കന്നിയങ്കത്തിലെ പരാജയം മുൻപോട്ടുള്ള വളർച്ചയ്ക്ക് വളമായതേയുള്ളൂ. 2021 ഒക്ടോബറിൽ ഡി.വൈ.എഫ്.ഐയുടെ അഖിലേന്ത്യാ പ്രസിഡന്റ് സ്ഥാനത്തേക്ക്. 2022-ൽ രാജ്യസഭാ എം.പിയുമായി. തിരുവനന്തപുരം ജില്ലയിലെ എസ്. എഫ്. ഐ സഹയാത്രികയായിരുന്ന അമൃതയുടെ നല്ലപാതിയായി അടിമുടി രാഷ്ട്രീയ ജീവിതം. തിരുവനന്തപുരത്തെ കോർഡിയൽ ഹോംസിലെ' 'ഇവിടം' എന്ന ഫ്ളാറ്റിൽ മക്കളായ ഗുൽമോഹറിനും ഗുൽനാറിനുമൊപ്പം അമൃതയും റഹീമും ജീവിതം വിരിച്ചിട്ട സ്നേഹച്ചുവപ്പുള്ള വഴികളിലെ വിശേഷങ്ങൾ ഒന്നൊന്നായി ഓർത്തെടുക്കുന്നു...

രാഷ്ട്രീയ ഗോദയിലേക്ക്