പുന്നത്തൂരിലെ ആനക്കാഴ്ചകൾ

ഉത്സവപ്പറമ്പുകളിൽ ആരവങ്ങളൊഴിഞ്ഞു... ഗജവീരന്മാർക്ക് ഇനി വിശ്രമ നാളുകൾ. ആനപരിപാലത്തിൽ 47 വർഷം പൂർത്തിയായ ഗുരുവായൂർ പുന്നത്തൂർ കോട്ടയിലെ ആനകളുടെ സുഖചികിത്സാ വിശേഷങ്ങളിലേക്ക്...

- വിഷ്ണു രാമകൃഷ്ണൻ

വാദ്യഘോഷങ്ങൾ പൊടുന്നനെ നിലച്ചു. വായുവിൽ ഉയർന്ന് താളമിട്ട എണ്ണമറ്റ കൈകൾ താണു...ആർപ്പുവിളികൾ നെടുവീർപ്പുകളായി...ആൾക്കൂട്ടത്തിനിടയിൽ നിന്ന് ഇപ്പോൾ ചങ്ങലക്കിലുക്കത്തിന്റെ പതിഞ്ഞ ഒച്ച മാത്രം... അലങ്കാരങ്ങളെല്ലാം അഴിച്ചുവെച്ച് കരിവീരന്മാർ വിശ്രമത്തിലേക്ക്... നീണ്ട ഉത്സവകാലം പിന്നിട്ട് മതിയായ വിശ്രമവും ആരോഗ്യം വീണ്ടെടുക്കാൻ തുടങ്ങുന്ന സമയം. കേരളത്തിലെ ഏറ്റവും വലിയ ആനവളർത്തൽ കേന്ദ്രമായ പുന്നത്തൂർ കോട്ടയിൽ ഒരു മാസക്കാലം നീണ്ടുനിൽക്കുന്ന സുഖ ചികിത്സ ജൂലായ് ഒന്നിന് ആരംഭിച്ചു. കോട്ടയിലേക്ക് എത്തുന്ന സന്ദർശകരെ തുമ്പിക്കൈ ഉയർത്തി സ്വാഗതം ചെയ്തും  മസ്തകം കുലുക്കി ചിരിപ്പിച്ചും കൊമ്പന്മാർ വിശ്രമകാലത്തിന്റെ സന്തോഷത്തിലാണ്.

തലയെടുപ്പോടെ