ഇവർ വിവാഹിതരായി

77കാരൻ സോമൻ നായർക്കൊപ്പം ജീവിതം തുടങ്ങുമ്പോൾ ബീനാകുമാരിക്ക് പ്രായം 59. തണലും വെളിച്ചവും ആഗ്രഹിച്ച് ഒന്നായ രണ്ടുപേർ...

- മനീഷ് പ്രശാന്ത്

ഒറ്റപ്പെടലിനും കഷ്ടപ്പാടിനുമൊടുവിൽ കണ്ണൻ തന്നതാണ് ഈ കൂട്ട്...” സോമൻ നായരുടെ കണ്ണുകളിലേക്ക് നോക്കി പറയുമ്പോൾ ബീനയുടെ മുഖം ആമ്പൽ പോലെ വിടരുന്നു. ജോലിയും പ്രാരാബ്ദവുമായി നെട്ടോട്ടമായിരുന്നു ഇതുവരെ. നടക്കാതെപോയ യാത്രകളും ക്ഷേത്രസന്ദർശനങ്ങളും ഒക്കെയായി ഇവൾക്കൊപ്പം സന്തോഷത്തോടെ ജീവിക്കണം ഇനിയങ്ങോട്ട്...'' സോമൻ നായർ പുതുദാമ്പത്യത്തിന്റെ അജണ്ടകൾ വിശദീകരിച്ചു.

ഇനിയൊരു വിവാഹം എന്ന തീരുമാനത്തിലെത്തുമ്പോൾ സോമൻ നായർക്ക് വയസ്സ് 77. ബീനാകുമാരിക്ക് 59. തനിച്ചായിപ്പോയ കാലത്തെ തിരക്കു കൊണ്ട് മറികടക്കുകയാണ് അവർ. നവംബർ 24ന് തിരുവല്ല ശ്രീവല്ലഭ ക്ഷേത്രത്തിലായിരുന്നു ഇരുവരുടേയും വിവാഹം.

പോയകാലം