KL BRO ദി വൈറൽ BRO!

യൂട്യൂബിൽ ഒരുകോടി സബ്സ്ക്രൈബഴ്സിനെ സ്വന്തമാക്കിയ കെ.എൽ.ബ്രോ കുടുംബത്തിന്റെ വിജയകഥ

- സൂരജ് സുകുമാരൻ

അന്ന് കണ്ണൂരിലെ ഉച്ചവെയിലിന് പതിവിലും ചൂടുണ്ടായിരുന്നു, ചുട്ടുപൊള്ളുന്ന റോഡിലൂടെ ചാഞ്ഞും ചെരിഞ്ഞും മയ്യിലിൽ നിന്ന് കണ്ണൂർ ലക്ഷ്യമാക്കി സ്വകാര്യബസ് പാഞ്ഞപ്പോൾ ഡ്രൈവിങ് സീറ്റിലെ താടിക്കാരനായ യുവാവിന്റെ ഷർട്ടിന്റെ പോക്കറ്റിലിരുന്ന് നോക്കിയയുടെ കീപാഡ് സെറ്റ് ശബ്ദിച്ചുകൊണ്ടേയിരുന്നു. ബാധ്യതകളുടെ ഭാരമുള്ള ജീവിതചക്രം മുന്നോട്ട് പായിക്കാൻ വളയം പിടിച്ച് ആ ഡ്രൈവിങ് സീറ്റിലിരുന്നത് ഒരു പാവന്നൂരുകാരനാണ്, മൂന്ന് വർഷത്തിനിപ്പുറം ഒരു ജനുവരിയിൽ ആ യുവാവ് കേരളത്തിൽ ഒരുപുതുചരിത്രമെഴുതുമെന്ന് ബസിലിരുന്ന യാത്രക്കാരാരും വിചാരിച്ചിരിക്കില്ല. അന്ന് സ്മാർട്ട് ഫോണിന്റെ എ.ബി.സി.ഡി. അറിയാതിരുന്ന ഡ്രൈവർ ബിജു നാലുവർഷത്തിനിപ്പുറം യൂട്യൂബ് കുടുംബത്തിലെ ജനപ്രിയനായ കെ.എൽ.ബ്രോ ബിജു ഋത്വിക്കാണ്. കേരളത്തിൽ ആദ്യമായി യൂട്യൂബിൽ ഒരുകോടി പത്ത് മില്യൺ) സബ്സ്ക്രൈബേഴ്സ് എന്ന അപൂർവനേട്ടം സ്വന്തമാക്കിയ ചാനലിന്റെ ഉടമ. സബ്സ്ക്രൈബേഴ്സിന്റെ എണ്ണം 11 മില്യണും കടന്ന് മുന്നേറുമ്പോൾ ബിജുവും ഭാര്യ കവിതയും മകൻ ഋത്വിക്കും അമ്മ കാർത്യായനിയുമടങ്ങുന്ന കെ.എൽ.കുടുംബം ഡയമണ്ട് പ്ലേ ബട്ടന്റെ തിളക്കമുള്ള വിജയയാത്രയുടെ കഥ പറയുന്നു.

തുടക്കം 'ടിക് ടോക്ക്' BRO