പരിചിത താരങ്ങൾ

മലയാളിയുടെ സ്വീകരണമുറിയിലെ മൂന്ന് പ്രിയമുഖങ്ങൾ മീര അനിൽ, ലക്ഷ്മി നക്ഷത്ര, അശ്വതി ശ്രീകാന്ത്. അനുഭവങ്ങളും ഓർമകളും പങ്കുവെച്ച് അവർ ഇതാ...മലയാളിയുടെ സ്വീകരണമുറിയിലെ മൂന്ന് പ്രിയമുഖങ്ങൾ മീര അനിൽ, ലക്ഷ്മി നക്ഷത്ര, അശ്വതി ശ്രീകാന്ത്. അനുഭവങ്ങളും ഓർമകളും പങ്കുവെച്ച് അവർ ഇതാ...

കോമഡി സ്റ്റാർസിലെ മീര അനിൽ, കോമഡി സൂപ്പർ 'നൈറ്റിലെ അശ്വതി, ഫ്ളവേഴ്സ് സ്റ്റാർ മാജിക്കിലെ ലക്ഷ്മി നക്ഷത്ര  മലയാളിയുടെ സ്വീകരണമുറിയിലെ മൂന്ന് പരിചിതമുഖങ്ങൾ പൊട്ടിച്ചിരിപ്പിക്കുന്ന കൗണ്ടർ അറ്റാക്കുകളിലൂടെ പ്രേക്ഷകരെ ടി.വി.മുന്നിൽ മണിക്കൂറുകളോളം പിടിച്ചിരുത്തുന്ന മിടുമിടുക്കികൾ. അവതാരക വേഷമണിഞ്ഞ ആദ്യകാലങ്ങളെപ്പറ്റി, സ്റ്റേജിലെ മറക്കാനാകാത്ത നിമിഷങ്ങളെപ്പറ്റി, പ്രേക്ഷകരിൽ നിന്ന് ഏറ്റുവാങ്ങിയ സ്നേഹാഭിനന്ദനങ്ങളെപ്പറ്റി അവർ സംസാരിക്കുന്നു...

ആങ്കറിങ് ആണ് എന്റെ ജീവൻ - മീര അനിൽ

പ്ലസ് ടു കഴിഞ്ഞ് സിവിൽ എൻജിനീയറിങ്ങിന് ചേർന്നു. പഠിച്ചുതുടങ്ങിയതോടെ എനിക്ക് പറ്റിയതല്ലെന്ന് മനസ്സിലായി. ഒരു വിധത്തിൽ പാസായി. ജോലിക്ക് കയറിയപ്പോൾ തോന്നി കഷ്ടപ്പെട്ട് ജോലി ചെയ്യുന്നതിനേക്കാളും നല്ലത് ഇഷ്ടപ്പെട്ട ജോലി ചെയ്യുന്നതാണെന്ന്. ആങ്കറിങ്ങിനോടുള്ള ഇഷ്ടം ഉള്ളിലുണ്ട്. കോളേജിൽ ആങ്കറിങ്ങായിരുന്നു എന്റെ മെയിൻ. അങ്ങനെ ഇലക്ട്രോണിക് ജേർണലിസം ചെയ്തു.

പിന്നീടൊരിക്കൽ ഒരു സുഹൃത്തിനൊപ്പം ഏഷ്യാനെറ്റിൽ നേർക്കുനേർ എന്ന ഷോ കാണാൻ പോയി. കഥാകൃ ത്ത് ഉണ്ണി. ആർ ആയിരുന്നു ഷോയുടെ പ്രൊഡ്യൂസർ. അദ്ദേഹം പറഞ്ഞതനുസരിച്ച് സ്ക്രീൻ ടെസ്റ്റിൽ പങ്കെടുത്തു. ഏഷ്യാനെറ്റ് ന്യൂസിൽ ജോയിൻ ചെയ്തു. 'സ്ത്രീ' എന്ന പരിപാടിയാണ് ആദ്യമായി അവതരിപ്പിച്ചത്. ഒരു വർഷം കഴിഞ്ഞ് കൈരളിയിലേക്ക്. ലൈവ് പരിപാടി അവതരിപ്പിക്കേണ്ട ചുമതല. ആ അനുഭവങ്ങൾ പിന്നീട് കരിയറിലുടനീളം മുതൽക്കൂട്ടായി.

സിനിമയിലേക്ക്

പ്രോഗ്രാം കണ്ട ടി.കെ. രാജീവ് കുമാർ സാർ എന്നെ തത്സമയം ഒരു പെൺകുട്ടി' എന്ന സിനിമയിലേക്ക് വിളിച്ചു. കുറച്ച് കഴിഞ്ഞ് മതിയെന്ന് വീട്ടുകാർ പറഞ്ഞതോടെ അത് വേണ്ടെന്നുവച്ചു. പിന്നീടും അവസരങ്ങൾ വന്നു. പക്ഷേ അന്നും ഇന്നും സിനിമ എന്നെ ആകർഷിച്ചിട്ടില്ല.

കരിയർ ബ്രേക്ക്