పోర్టబుల్ టాయిలెట్

పబ్లిక్‌ టాయిలెట్‌ లేదా బహిరంగ ప్రదేశాలకు వెళ్లే మహిళలు ఇకపై ఆందోళన చెందాల్సిన పని లేదు...

- - మోనిక

కొందరు మహిళలు ఆరోగ్యం,  పరిసుబ్రత విషయంలో నిర్లక్ష్యంగా ఉంటారు. వారు ఉపరితల పరిశుభ్రత పాటిస్తున్నా అనారోగ్యానికి గురయ్యే అవకాశం ఉంటుంది. దీనికి కారణం మురికిగా, అపరిశభ్రంగా ఉన్న పబ్లిక్‌ టాయిలెట్‌లను ఉపయోగించడం.

ప్రజా మరుగుదొడ్డు పరిశుభ్రంగా లేకపోతే అది వ్యాధులకు కారణమవుతుంది. మహిళలు, అమ్మాయిలు ఇంటి నుంచి బయటకు వెళ్లినప్పుడు కొన్నిసార్లు పబ్లిక్‌ టాయిలెట్లను ఉపయోగించడం తప్పనిసరి అవుతుంది. అయితే ఈ పబ్లిక్‌ టాయిలెట్‌ సీట్లపై రకరకాల జెర్క్‌ ఉంటాయి. ఫలితంగా మహిళలు యోని ఇన్‌ఫెక్షన్‌ ఇంకా ఎన్నో ఇతర వ్యాధులకు గురయ్యే అవకాశం ఉంటుంది.

పబ్లిక్‌ టాయిలెట్‌లలోని మురికి కారణంగా మూత్రానికి వెళ్లాల్సి వస్తుందని మహిళలు నీళ్లు తాగడం సైతం తగ్గించారు. ఇది ఆరోగ్యానికి ఏమాత్రం మంచిది కాదు. గంటల తరబడి మూత్రాన్ని బిగపట్టుకోవడం, నీళ్లు తక్కువగా తాగడం లాంటివి మూత్ర సిండాలపై ప్రతికూల ప్రభావాన్ని చూపిస్తాయి.