మీరు కూడా 66 “ఫోమో” బాధితులేనా?

మీరు కూడా సోషల్ మీడియాలో ఏదైనా అప్లోడ్ చేసి, లైక్లు, కామెంట్లను పొందాలని తహతహ లాడుతున్నట్లయితే, ఇది మీ కోసమే...

- - శోభా కటారే

ఫోమో అంటే ఫియర్ ఆఫ్ మిస్సింగ్.అంటే ఏదైనా మిస్ అయితామని భయంతో బాధపడటం. అంటే ప్రపంచంలోని ఇతరులతో రేసులో వెనుకబడి పోయామనే భావన. కొన్నిసార్లు మీ జీవితంలో సరదా లేదని, మీ స్నేహితులు, బంధువులు సరదాగా పనులు చేస్తున్నారని, కానీ మీరు అలా చేయలేకపోతున్నారన్న భావనతో మీరు ఆలోచిస్తూ ఉండటం ఫోమో.

మీరు, మీ సన్నిహితులు బంధువుల సోషల్ మీడియా ఖాతాలను మళ్లీ మళ్లీ చెక్ చేస్తూనే ఉంటారు. వారి గురించి ఏదైనా తెలుసుకోవడానికి తాపత్రయ పడుతుంటారు.కానీ మీరు ఏమీ తెలుసుకోలేకపోతే నిరాశ చెందుతారు. లేదా మీరు సోషల్ మీడియాలో ఏదైనా అప్లోడ్ చేయాలనుకుంటారు.లైక్లు, కామెంట్లను పొందాలనే తపనతో ఉంటారు. మీకు ఈ లక్షణాలు ఏవైనా ఉంటే మీరు ఫోమో బారిన పడినట్లే. అంటే మీరు మీ తోటి వారితో వెనుకబడిపోతున్నారని లేదా పోతారని భయం మిమ్మల్ని వెంటాడుతుంటుంది.

ఆ విషయం ఎప్పుడు తెలుస్తుంది.

మీరెప్పుడైనా మీ స్నేహితులతో కలిసి పార్టీకి వెళ్లాలని ప్లాన్ చేసి మీరు ఆఫీసు నుంచి సమయానికి ఇంటికి వచ్చినా, ఏదైనా ముఖ్యమైన పని లేదా ఇతర కుటుంబ విషయాల కారణంగా మీరు పార్టీకి వెళ్లలేకపోయారా? అటువంటి పరిస్థితిలో మీరు మీ పని చేస్తున్నప్పుడు మీ మనసులో విచిత్రమైన చంచలమైన ఆలోచనలు అనుభవించారా? ఆ ఆలోచనలను, చంచలతను అధిగమించడానికి మీరు మీ సోషల్ మీడియా ఖాతాలను పదే పదే స్క్రోల్ చేసి ఆ పార్టీ లేదా పర్యటన విశేషాల గురించిన పోస్ట్ల కోసం వెతికారా? మీ స్నేహితులు ఏమి తింటారు? ఎలా ఆనందిస్తున్నారు? మీరు ఏమి కోల్పోయారు? మీరు మీ పరిస్థితిని వారి ఆనందంతో పోల్చుకుంటున్నారా? ఈ ప్రశ్నలన్నింటికి అవును అన్న సమాధానం వస్తే... మీరు కూడా ఫోమో బాధితులుగా మారారని అర్థం చేసుకోండి.

రండి, మీరు ఈ కింద పేర్కొన్న కొన్ని ఉదాహరణలలో దేనిలోనైనా మిమ్మల్ని మీరు కనుగొంటే మీరు ఫోమో బాధితులే.