స్లీప్ టూరిజం అంటే ఏమిటి?

ప్రస్తుతం స్లీప్ టూరిజం ట్రెండ్ నడుస్తోంది. స్లీప్ టూరిజం అంటే ఏమిటి? దానివల్ల మనకు కలిగే ప్రయోజనాలు ఏంటో తెలుసుకుందాం...

-  - సోమా ఘోష్

కోవిడ్ మహమ్మారి వచ్చి వెళ్లిన తర్వాత ప్రజలు ఆరోగ్యంపై శ్రద్ధ చూపడం ప్రారంభించారు. ఇందులో ప్రశాంతమైన నిద్రను పొందడం చాలా ముఖ్యమైన విషయంగా పరి గణిస్తున్నారు. దాంతో స్లీప్ టూరిజం అభివృద్ధి చెందింది. ఇందులో ఒక వ్యక్తి రాత్రి 8 గంటలు నిద్రపోతాడు. నగరంలోని సందడి, ఉరుకుల పరుగుల జీవితం నుంచి విరామం పొందుతాడు. నగరం రణగొణలకు దూరంగా ఒక నిశ్శబ్దమైన ప్రదేశంలో ప్రశాంతంగా ఉంటాడు. అంతేకాదు ఈ టూరిజంలో ఉద్యోగానికి కొన్ని రోజులు సెలవు పెట్టి ఒంటరిగా ఎక్కడికైనా వెళ్లాలనే కోరికను తీర్చుకోవడంతో పాటు రిఫ్రెష్గా ఉండే అవకాశం లభిస్తుంది.

వాస్తవానికి నిద్రించే సమయంలో విశ్రాంతి తీసుకోవడానికి ఒక టెక్నిక్. ఇది విదేశాలలో బాగా ప్రాచుర్యం పొందింది. ప్రశాంత వాతావరణం పని ఒత్తిడిని తగ్గించడంలో సహాయపడుతుంది.

నాణ్యమైన నిద్ర ప్రశాంతంగా నిద్రపోయే సమయాన్ని, పరిస్థితులను, అవకాశాన్ని కలిగిస్తుంది. ఎందుకంటే ఒక వ్యక్తి హాయిగా నిద్రపోతే, అతనికి ఆందోళన లేదా ఒత్తిడి స్థాయి తగ్గుతుందని భావిస్తారు.

పని ఒత్తిడితో పాటు ప్రయాణం ఎక్కువగా ఉండే పెద్ద నగరాల్లో నివసించే వారిలో ఈ సమస్య పెద్దదే. అందువల్ల స్లీప్ టూరిజం వేగంగా అభివృద్ధి చెందసాగింది. ఈ రోజుల్లో చాలా హోటళ్లు, రిసార్ట్ లు స్లీప్ టూరిజాన్ని ప్రోత్సహించడానికి పర్యాటకులకు అనేక రకాల ఆకర్షణీయమైన ఆఫర్లను ప్రకటించడం ప్రారంభించాయి.