സ്വപ്നങ്ങൾക്ക് ചിറക് മുളച്ചപ്പോൾ

പവ്വർ ലിഫ്റ്റിൽ ചാമ്പ്യൻഷിപ്പ് നേടിയ ലിബാസ് ഒളിമ്പിക്സ് മെഡൽ സ്വപ്നം കാണുന്നു

- ജി. കൃഷ്ണൻ  

പേര് ലിബാസ്.

സ്വദേശം തൊടുപുഴയിലെ വണ്ണപ്പുറം.

ഇപ്പോൾ എറണാകുളത്ത് കലൂരിൽ കുടുംബ സമേതം താമസിക്കുന്നു. സ്ത്രീകൾക്ക് എത്തിപ്പെടാൻ മടിക്കുന്ന, അല്ലെങ്കിൽ സാധിക്കാതെ ചില മേഖലകളിൽ കൂടി പങ്കെടുത്ത് കയ്യൊപ്പ് ചാർത്തിയിട്ടുള്ള ഒരു വനിതയാണ് ലിബാസ് സാദിഖ്,

 കുട്ടിക്കാലത്ത് തന്നെ ഡാൻസ് പഠിച്ചു തുടങ്ങിയിരുന്നു. സ്പോർട്സിൽ പങ്കെടുക്കുമായിരുന്നു. ആ രംഗത്തെല്ലാം നേട്ടം കൈവരിച്ച ലിബാസിന്റെ ഉയരത്തിലുള്ള ജീവിതയാത്രാനുഭവങ്ങളുടെ ഒരു കൊച്ച് സംഗ്രഹമാണിവിടെ പ്രതിപാദിക്കുന്നത്.

മാതാപിതാക്കളുടെ പിന്തുണ വേണ്ടുവോളം ഉണ്ടായിരുന്നു വിവാഹശേഷം ഹസ്ബന്റ് സാദിഖിന്റെ സപ്പോർട്ടും പഴയതു പോലെ കിട്ടിയപ്പോൾ മനസ്സിലെ സ്വപ്നങ്ങൾ ആകാശത്തോളം ഉയർന്നു.

സത്യം പറഞ്ഞാൽ പല കാര്യങ്ങളും ചെയ്യാൻ ലിബാസിന് മടിയുള്ള കൂട്ടത്തിലാണ്. പേരന്റ്സിന്റെയും ഹസ്ബന്റി ന്റെയും സമ്മർദ്ദങ്ങൾക്കും നിർബന്ധങ്ങൾക്കും വഴങ്ങി ഓരോ പുതിയ രംഗത്തും കാൽവയ്ക്കുകയായിരുന്നു.

ഒരിക്കൽ കോളേജിൽ വച്ച് ലിബാസ് ആരോടെന്നില്ലാതെ സ്വയം പറഞ്ഞു.

"ഞാൻ കൊള്ളാം.

ആ ശബ്ദം ആത്മവിശ്വാസത്തിന്റെ അലകൾ ഉയർത്തുകയും കൂടിയായിരുന്നു. ഞാൻ കൊള്ളാമെന്ന് മറ്റുള്ളവർ പറയാതെ സ്വയം തോന്നിയ നിമിഷത്തിന്റെ പിന്നാമ്പുറത്ത് അനുഭവങ്ങളുടെ ഒരു കൊച്ചുകഥ പറയാനുണ്ടായിരുന്നു ലിബാസിന്.

വെയിറ്റ് ലിഫ്റ്റിംഗിലും പവ്വർ ലിഫ്റ്റിംഗിലും പങ്കെടുത്ത് വിജയം കൈവരിച്ച ലിബാസ് ഈ രംഗത്ത് വരുന്നത് യാദൃച്ഛികമായിട്ടാണ്.