ക്രിസ്മസ് കുക്കീസ്

ക്രിസ്മസ് രുചികരമാക്കാൻ മൂന്നു കുക്കീസ്.

- ബീന മാത്യു

ക്രിസ്മസ് ട്രീ കുക്കീസ്

 1. വെണ്ണ 170 ഗ്രാം
2. പഞ്ചസാര പൊടിച്ചത് - 170 ഗ്രാം
3. മുട്ട ഒന്ന്, മഞ്ഞയും വെള്ളയും വേർതിരിച്ചത്
4. മൈദ  225 ഗ്രാം
 ബേക്കിങ് പൗഡർ അര ചെറിയ സ്പൂൺ 
5. ഓറഞ്ചുതൊലി ചുരണ്ടിയത് - ഒരു ചെറിയ സ്പൂൺ

 പാകം ചെയ്യുന്ന വിധം

അവ്ൻ 180°Cൽ ചൂടാക്കിയിടുക.

ബേക്കിങ് ട്രേയിൽ മയം പുരട്ടി വയ്ക്കണം.

വെണ്ണ ഒരു ബൗളിലാക്കി നന്നായി അടിച്ചു മയപ്പെടുത്തണം. ഇതിലേക്കു പഞ്ചസാര ചേർത്തു നന്നായി അടിക്കുക.

മുട്ടവെള്ള അൽപം മാറ്റിവച്ച ശേഷം ബാക്കി മുട്ടമഞ്ഞയുമായി ചേർത്ത് അടിക്കുക. ഇതു വെണ്ണ മിശ്രിതത്തിൽ ചേർത്ത് അടിക്കണം.

മൈദ, ബേക്കിങ് പൗഡർ ചേർത്ത് ഇടഞ്ഞതിൽ ഓറഞ്ചുതൊലി ചുരണ്ടിയതു ചേർത്ത ശേഷം മുട്ട മിശ്രിതത്തിൽ ചേർത്തു നന്നായി കുഴച്ചു യോജിപ്പിക്കുക.

മാവ് അധികം മൃദുവായാൽ അൽപസമയം ഫ്രിജിൽ വയ്ക്കുക.

പിന്നീട് ഈ മാവ് കാൽ ഇഞ്ചു കനത്തിൽ പരത്തി ക്രിസ്മസ് ട്രീയുടെ കട്ടർ കൊണ്ട് മുറിച്ചെടുക്കുക. കട്ടർ ഇല്ലെങ്കിൽ ട്രീയുടെ ആകൃതിയിൽ കാർഡ്ബോർഡ് മുറിച്ചെടുത്തു കട്ടറായി ഉപയോഗിക്കാം.