കൈവിട്ട ഭാഗ്യം...

ലോട്ടറി ടിക്കറ്റ് വാങ്ങി സമ്മാനിക്കരുത്....സമ്മാനിക്കാൻ അനുവദിക്കരുത്... ലോട്ടറി ടിക്കറ്റിന് വലിയ വില കൊടുക്കേണ്ടിവരും... വലിയ വില....പൊതുജനതാൽപ്പര്യാർത്ഥം ലോട്ടറി കാര്യ മന്ത്രാലയം പുറപ്പെടുവിക്കുന്നത്....

- പി . ആർ. കൃഷ്ണൻകുട്ടി

ഞായറാഴ്ച രാവിലെ ഏകദേശം പതിനൊന്നു മണിയായി ക്കാണും.... മൊബൈൽ റിങ് ചെയ്തപ്പോൾ ഹരീഷ് പരിചയമില്ലാത്ത ആ നമ്പർ കണ്ട് കോൾ കട്ട് ചെയ്തു. വീണ്ടും അതേ നമ്പറിൽ നിന്ന് കോൾ ... അയാൾ ഫോണെടുത്തു...

“ഹരീഷ്... മെ തേരാ ദോസ്ത് പ്രഭാകർ മൊഹന്തി ..യാദ് ഹെ തു കൈസാ ഹൈ? തന്റെ പഴയ സഹപ്രവർത്തകൻ ഒറീസ്സക്കാരനായ പ്രഭാകർ മൊഹന്തിയാണ്.

കുശലാന്വേഷണങ്ങൾ കഴിഞ്ഞപ്പോൾ മൊഹന്തി തന്റെ ആവശ്യം അറിയിച്ചു... അവന്റെ ഭാര്യക്ക് ക്രിസ്മസ് ബമ്പറിന്റെ ഒരു ലോട്ടറി ടിക്കറ്റ് വേണം... ഹരീഷ് അത് വാങ്ങി അയച്ചു കൊടുക്കണം.. പണം അവൻ ഹരീഷിന്റെ അക്കൗണ്ടിലേക്കിടും.

ഹരീഷ് ഓർത്തു ... "താൻ ഭുവനേശ്വറിൽ ട്രാൻസ്ഫറായി ചെന്നപ്പോൾ ഓഫീസിൽ ആദ്യമായി പരിചയപ്പെട്ടയാളാണ് പ്രഭാകർ മൊഹന്തി .. അന്ന് മുതൽ തുടങ്ങിയ സൗഹൃദം അവൻ ഇന്നും കാത്തുസൂക്ഷിയ്ക്കുന്നു... വർഷങ്ങൾ കഴിഞ്ഞ് ഫോൺ മാറ്റിയപ്പോൾ അവന്റെ നമ്പർ നഷടപ്പെട്ടു പോയി ..