சந்தர்ப்ப சூழலுக்கு ஏற்ப கூட்டணி அமைக்கப்படும்.

அமித்ஷாவுடன் சந்திப்பு குறித்து எடப்பாடி பழனிசாமி விளக்கம்!!

- 

புதுடெல்லி, மார்ச் 26 - அமித்ஷாவுடன் கூட்டணி தொடர்பாக எதுவும் பேசவில்லை என்றும், அதே நேரத்தில் சந்தர்ப்ப சூழலுக்கு ஏற்ப கூட்டணி என்றும் அமையும் என்று எடப்பாடி பழனிசாமி கூறினார்.

அ.தி.மு.க. பொதுச் செயலாளர் எடப்பாடி பழனிசாமி நேற்றுதிடீரென டெல்லிக்குச் சென்றார். மத்திய உள்துறை அமைச்சர் அமித்ஷாவை சந்தித்தார். அவருடன் முன்னாள் அமைச்சர்கள் வேலுமணி, கே.பி. முனுசாமி, எம்.பி.க்கள் தம்பிதுரை, சி.வி. சண்முகம் ஆகியோரும் பங்கேற்றனர்.

இந்த சந்திப்பில் பேசப்பட்டது என்ன என்பது குறித்து இரு தரப்பிலும் உடனடியாக செய்தி வெளியிடப்படவில்லை. ஆனால் வெகுநேரம் கழித்து மத்திய அமைச்சர் அமித்ஷா, "தமிழகத்தில் 2026-இல் தேசிய ஜனநாயக கூட்டணி ஆட்சி அமையும், அப்போது ஊழலும், மதுவும் ஒழிக்கப்படும்” எனக் குறிப்பிட்டார்.

இந்த நிலையில் இன்று டெல்லி விமான நிலையத்தில் எடப்பாடி பழனிசாமி பேட்டி அளித்தார். அப்போது அவர் கூறியதாவது: